全知言
新《愛．回家》好難睇 經典處境劇一齊 Loop
香港唔少人鍾意電視撈飯，一到黃金時間就要開電視，真係食藥都冇咁準時！
不過近年大台劇集質素直線下降，諗住搵張繼聰同翠如 BB孭起新《愛．回家》，點知弄巧反拙，搞到連觀眾都唔愛回家電視送飯！真係新不如舊，究竟邊套處境劇先係大家心目中最愛呢？
Stephy：最愛叉燒炳
講到處境劇，最深刻當然係「笑聲笑聲滿載溫馨」嘅《真情》！最記得就係叉燒炳！處境劇最勁嘅地方，就係會記得佢戲入面個名而唔記得佢真實個名，我到𠵱家都仲係嗌佢（劉丹）做叉燒炳，呢套劇真係令我有美好嘅童年回憶！
陳嘉桓：《真情》夠長壽
最經典處境劇就梗係《真情》好似係播咗過千集，我最記得叉燒炳，因為我細個唔食叉燒，但套劇成日講叉燒炳，所以我好記得！
JW：摩登家庭
我最鍾意嘅處境劇就係《 Modern Family》，因為好好睇、好好笑，有好多唔同嘅 characters（角色）之外，每一集都會有個 lesson，會教到大家一個道理，所以我最鍾意呢套劇！
邵仲衡：《季節》睇唔厭
茂叔嘅《香港 8幾》陪伴好多我哋呢代人成長；另外《季節》亦係破晒華人最長壽電視紀錄，我記得有好多集，成 4位數，好得人驚！佢每一集都好短，但短得嚟啲角色，好似大碧姐呢啲角色都好深入民心。我有幾年喺國內生活，都會攞出嚟睇番㗎！
蝦頭：茂叔最經典
我最印象深刻係《香港 84》系列，香港 82、 83、 84咁做咗好多集，好期待嗰半個鐘講當日香港嘅時事新聞，同埋啲街坊街里發生嘅事情。銀禧小食店一家人，好似茂叔、安仔呢啲人物都好記得！
街坊都唔撐 《愛．回家》第二季
Cherry：《畢打自己人》！嗰排睇得多，最近比較少睇，同埋嗰時嘅演員，例如毛舜筠，會比較想睇，𠵱家嗰啲太新，冇乜興趣睇！
黃先生：《皆大歡喜》！慈姑最深刻，另外阿年、阿月嗰啲都記得，成套劇啲角色都好經典！
Pinky：《愛．回家》！我鍾意馬壯，因為佢係神嘅男人！
即時報料 facepop
熱線： 9222 0828
電郵：facenews@nextmedia.com
facebook： Face Magazine inbox
line、 we chat id： facemagazine
|
鍾意就快D Share啦！
|
|
|