| 李丞責貼中股災！ | next 1/1 pre |
 | |
| 李丞責年初嘅預測。（資料圖片） | next 1/1 pre |
 | |
| 林盛斌見王祖藍買樓，唔驚做樓蟹！ | next 1/1 pre |
 | |
| 阿叻都話全世界個市都睇唔通！ | next 1/1 pre |
 | |
| 梁思浩就最有耐性，話未放出去都未係蝕！ | next 1/1 pre |
昨日全球股市經歷「黑色星期一」，恒指暴跌至21,251點，創逾17個月收市新低。今日恒指持續低迷，收市報21,404點，險守兩萬一千關口！不少「星級股民」大嗌損手爛腳，但堪輿學家李丞責卻避過八位數損失，更早於年初在《東方日報》預告會出現大股災！
預言10月26日緩和期
李丞責當時指出，香港過往的羊年都有不穩定發展，今年也難逃一劫！他又指今年出現兩次日全蝕，包括4月4日和9月28日，此星象勢必對經濟有影響，恒指大概在21,000水平徘徊，故在這段時間投資要三思。
對於預言與現時股市災情不謀而合，李丞責接受《東網》電話訪問時說：「我都唔係投資叻嘅人，都係依書直說，今次都可以避過一劫，來來回回都避過咗差唔多八位數字嘅損失！」他又預測日後股市走勢：「10月26號係緩和期，上升嘅軌迹最快都要雞年先至開始。」他還大爆老婆劉倩婷曾質疑其預測：「佢都好相信我嘅說話，但當恒指升到28,000點時，佢都有質疑過會唔會真係跌到落21,000點！」
梁思浩「未放出去都未係蝕」
有多年炒股經驗的梁思浩，則於昨日股災在微博寫下意有所指留言：「一起笑看風雲變！」他接受《東網》電話訪問時坦承帳面損失達7位數：「投資同投機唔同，我用閒錢放喺度，一日未放出去都未係蝕啫！況且我都係買藍籌多。」提到李丞責成功預測股災，他說：「今次好多師傅都推測得到，佢講到21,000（點），又冇人夠膽好似佢咁講。（有冇人問你借錢度難關？）又冇喎！唔係人人搵到我嘅，要過咗我助手嗰關先得！」
阿叻「全世界個市都睇唔通」
另外，陳百祥揚言「1970年代已研究股市」，談到近日股市見波動，他說：「依家不動係最好嘅，全世界個市都睇唔通（有冇貨喺手？）梗係有！（李丞責預測到股災！）佢占卜，而我係睇數據嘅，咁容易睇得通，就個個都發咗達」
林盛斌「有王祖藍我驚咩呀？」
而一直「專攻」樓市的林盛斌（Bob），則表示或會再入市：「近排都有相熟地產經紀搵咗啲好嘢，會去睇吓嘅。（唔驚做樓蟹？）當王祖藍都買緊億幾嘅樓，我驚咩呀？」
|
鍾意就快D Share啦！
|
|
|