李丞責測中股災 劉倩婷避蝕千萬
近日股市大跌，不少股民「中招」致焦頭爛額！堪輿學家李丞責對今次的股災，原來於年初已作出「預警」，並成功預測恒生指數會徘徊於21000點水平，他與太太劉倩婷亦因此避過一劫，避過高達千萬的損失。反而有多年買股經驗的藝人梁思浩，備受股市影響，帳面損失近百萬。
近日股市大幅波動，股災連連，前日全球股市更經歷「黑色星期一」，恒生指數狠挫至21251點，成為今年第二大跌市！昨日股市持續低迷，恒指收報21404點。股市突瀉令不少星級股民措手不及大受影響，但對堪輿學家李丞責而言，可謂「意料中事」！
年初曾為本報預測流年股市走勢的他，就指今年即羊年為出水年份，投資時應先看清形勢，深思熟慮後才可出擊，並「預警」於今年新曆9月28日日全食前後六十日間，會出現一次股災，恒生指數更會於21000點水平徘徊。
昨日李丞責接受本報電話訪問時，他謙稱自己並非投資能手，但坦承避過八位數字的損失：「其實我都唔係投資叻嘅人，都係依書直說，今次都可以話係避過一劫，來來回回都避過咗差唔多八位數字嘅損失。」
2017年才重回升軌
李丞責又指現時至今年10月26日為股市緩和期，並預測兩年後股市才有上升迹象：「呢段股災時間到今年10月26日係緩和期，而上升嘅軌迹最快都要雞年（2017年）先至開始。」
李丞責更大爆老婆劉倩婷曾一度質疑他對於恒指下至21000點的預測，他說：「佢都好相信我嘅說話，但當恒指升到28000點嘅時候，佢都有質疑過，話會唔會真係跌到落21000點，但後來我同佢解釋，其實我都係依書直說，咁佢都有信我。」
買藍籌未放未係蝕
面對股市急挫，不少星級股民大呻蝕到入肉，當中一直有投資港股及美股的藝人梁思浩，前日在微博上載與好友慶祝生日的合照，並意有所指發文寫道：「一笑看風雲變。」昨日他接受本報電話訪問時，坦承受股市影響，帳面損失達七位數字近百萬：「呢次係全球性問題，但唔緊要，因為投資同投機唔同，我用閒錢買咗放喺度，一日未放出去都未係蝕啫，況且我都係買藍籌多。」對於李丞責推測到今次股災，梁思浩則說：「咁今次好多師傅都推測得到，佢講到21000點，又冇人夠膽好似佢咁講。（有冇人問你借錢渡難關？）又冇喎，唔係人人搵到我嘅，要過咗我助手嗰關先得。」
文：專案組
|
鍾意就快D Share啦！
|
|
|