【拆局】
袁國勇辭去港大校務委員職務，並不點名批評特首梁振英上場後令香港爭拗、撕裂升級，不少政界人士均認為袁的說話遠較泛民有份量、更受北京關注，因袁代表香港一班保守、親建制的精英，「𠵱家連呢班人都頂唔順，要出嚟發聲，北京、特區政府冇埋呢班人，基本上喺香港冇晒一啲有江湖地位嘅盟友」。
觸及最後底線
有政界中人指，自梁振英上台，泛民已成梁及北京死敵；到政改一役，北京又失去一班傳統中間派支持；到今次港大拖延陳文敏的副校長任命，出來捍衞港大的舊生不乏在政改一役，仍肯支持北京、反對佔領的溫和保守精英，如提出十三學者方案的中大經濟系教授宋恩榮，連獲特區政府頒銀紫荊星章的袁國勇，也為港大事件暗批梁振英，「可見連呢班保守、同北京有偈傾嘅保守精英，亦頂唔順梁振英不斷搞局」。
另一政界人士相信，今次港大風波觸及這班保守精英的最後底線，「佢哋或者喺民主立場上，仲有得同北京妥協，但去到學術自主、大學自主，就係佢哋底線，咁即係逼佢哋反對」。若連這班保守精英也站在政府對立面，北京、梁振英將更加孤立，「除咗愛字頭、左派、建制政黨，稍有名望嘅人唔肯再幫政府，政府點管落去？北京係咪仲可以坐視不理？」
■記者莫劍弦
|
鍾意就快D Share啦！
|
|
|