【騙徒手法層出不窮】周嘉儀fb被偽冒 粉絲中招被騙6位數
2015-08-02 15:55:00
嘉儀BB喺facebook指有人冒充佢開facebook同微博account騙財！（周嘉儀facebook)
近期香港接連發生騙案，騙徒手法層出不窮，有人冒認內地公安電話騙財、亦有人冒認「民政事務局主任」嘅電話，騙取市民提供個人資料行騙。就連前新聞主播周嘉儀也被人冒名喺fb同微博開account，扮佢問粉絲借錢，有人不幸中招被騙6位數字的金錢！
噚晚嘉儀BB喺fb向網民提出重要提示：「剛收到朋友訊息話兩個叫Gary Au 同Rainie Liu的人冒充我fb到處借錢詐騙！現嚴正聲明這兩人同本人完全無關，大家千萬不要上當！詐騙行為太過分！大家絕對要小心！有甚麼疑問先inbox我問清楚，不要上當。」嘉儀BB仲貼圖教大家分真假，正式嘅fb名以「Venus Chow周嘉儀」，騙徒就用咗佢張相，偽冒咗一個叫「Ka Yee Chow」嘅fb嚟招搖撞騙。
搞到粉絲有金錢損失，嘉儀BB覺得好無奈，接受《蘋果》電話訪問時表示：「我只係知道有人開咗啲假賬戶，用我嘅名義向佢哋（網友）借錢，聽聞真係有網友真係攞咗出嚟，個粉絲已經過戶仲keep咗入數紙，佢應該會報警，我覺得真係超級過份！所以我要重申番我嘅account得呢一個，都想呼籲網民如果發現我嘅假account，請喺我嘅fb度報告。」問嘉儀會否親自報案？佢就話：「因為佢點樣用我個名義去呃人，佢哋中間嘅細節我真係唔知，所以我諗唔係好啱我去報警，我都唔知我應該點做，只係可以提醒大家。」
嘉儀BB呼籲fans小心。(資料圖片)
只有呢個「Venus Chow周嘉儀」係offcial facebook，亦都冇開微博㗎。（周嘉儀facebook)
嘉儀BB呼籲fans小心，提防騙案發生。（周嘉儀facebook)
嘉儀更Post了騙徙所偽冒嘅fb。（周嘉儀facebook)
用咗佢張相同以「Ka Yee Chow」開fb戶口，大家小心，係偽冒㗎！
|
鍾意就快D Share啦！
|
|
|