【咪睇小細路！】《五個小孩》票房佳 暫登港產片年度冠軍
2015-08-21 19:55:00
《五個小孩》以逾$4,672萬票房，暫時成為本年度最高票房港產片，可喜可賀。（劇照）
由楊千嬅、古天樂、姜浩文、吳耀漢、吳浣儀等人演出，改編自真人真事嘅電影《五個小孩的校長》，唔經唔覺已經喺香港上映咗151日，最終以$46,729,492港元票房，暫居本年度港產片票房第一位，更成功打入「香港最高電影票房」華語電影第12位，恭喜晒！
女主角千嬅今日就呢個喜訊以WhatsApp回覆話：「實在好開心，係全劇組一個鼓勵嘅成績，好多謝陳木勝、林小明畀機會我演同學習，最緊要係多謝係呂校長（呂麗紅），因為呂校長係真實地幫助好多有需要受教育，同水深火熱嘅小朋友，好多謝大家有共鳴而得到呢個成績。」
千嬅仲話，好希望可以再同片中嘅5個小孩，包括小雪、嘉嘉、珠女、Kitty同Jennie再合作。
而監製陳木勝就話：「再次感謝大家嘅努力先有咁好嘅成績，最重要係呂校長嘅博愛精神，能傳達畀咁多觀眾嘅心！」
千嬅話係全劇組嘅功勞
吳耀漢同小雪演父女
嘉嘉嘅演出好催淚吓
姜浩文（右）同劉玉翠（左）演夫婦，囡囡係懂性嘅嘉嘉
班大人演得好，但都係細路仔搶鏡啲
|
鍾意就快D Share啦！
|
|
|
