陳瀅推出嘅圖像文學新書《半透明的舞孃》，今日就喺中環舉行簽名會，周柏豪、王敏奕同及賴慰玲等等都有嚟撐場，而陳凱琳同劉佩玥等就拍片支持。
依家係女性衞生用品任代言人嘅柏豪，今日就送咗棉花球造成嘅花束畀陳瀅，喻意對方如棉花般pure，星途亦能如棉花一樣有彈性，點知陳瀅收下花束之後，竟然話：「我以為你話祝我好似M巾咁越嚟越紅！」令全場爆笑。
喺訪問入面，陳瀅透露拍攝嘅時候，有三大場景令佢好難忘，佢話：「其中一個係全裸同啲仙人掌一齊影，當時清咗場，得番啲女性工作人員喺度，影到最後都有畀仙人掌拮到個背脊流血，所以可以用柏豪啲棉花喇。」
陳瀅話今之全裸係最大膽嘅嘗試，問到喺側邊嘅柏豪有冇睇過本書，佢就話：「睇咗少少，返去再細心啲睇，因為佢有文字嘅。」對於陳瀅公司欲替她再出寫真，並欲找柏豪充當攝影師，柏豪表示：「冇所謂，我俾人影得多，都想影返人，同埋自己都鍾意影相。」至於會否再要求陳瀅全裸拍攝？柏豪即謂要當計劃落實後再討論。
|
鍾意就快D Share啦！
|
|
|
