【知都唔答你哋】黃伊汶傳有喜？ 應采兒：我真係唔可以講....
2015-08-21 18:10:00
今日應采兒喺商台宣傳網劇《天才在左瘋子在右》，佢就話到預計開拍第二季同電影，但就打亂咗「造人」計劃，佢就笑住話可以賺多啲錢，但要離開香港80日。
應采兒嘅密友黃伊汶（Emme）有傳懷孕，佢就好鬼馬咁話：「我真係唔可以講，佢有時瘦有時肥，就算我知都唔答你哋。」至於會唔會分享懷孕心得，佢話：「有同鄭希怡講，佢個女我都有教。」佢仲話想買本孕婦書，問到會唔會同Emme分享？佢就笑住話：「我唔知你講乜，諗住自己再生先睇。」
應采兒話唔可以講密友黃伊汶嘅懷孕傳聞。
