港姐任你Like終極決戰 自製短片搶票！ 港姐,

港姐任你Like終極決戰 自製短片搶票！

《2015香港小姐競選》如箭在弦，《東網巨星》App全力支持！並於Facebook內舉行為期約一個月的《港姐任你Like》，收集民意推選百分百「民選港姐」！投票順利進入第三階段「最佳自編自導自演」，歡迎網民繼續畀Likes！而第二階段「最腦筋急轉彎」投票結束，暫時以(1)麥明詩、(3)羅丹虹及(10)陳靜儀繼續遙遙領先。

本屆港姐總決賽將於本月30日舉行，12位準港姐連日來繼續出席各大小活動爭取曝光拉票，而緊貼所有熱爆娛樂新聞的《東網巨星》App於Facebook內舉行的港姐第三階段投票「最佳自編自導自演」昨午正式啟動，歡迎各位「巴絲」就一眾準港姐為《東網巨星》App獨家精心自編自演的短片進行投票，大家覺得邊位佳麗短片最精彩、最啜核、最令人一見難忘，就可以立刻click入Facebook繼續like爆佢！（相關連結：【 http：//on.cc/MISSHK2015 】）

(10)陳靜儀票數被超前

至於第二階段的「最腦筋急轉彎」投票，昨午已順利完成，賽果仍以大熱的麥明詩以509個Likes當上冠軍、亞軍羅丹虹獲432個Likes，而季軍陳靜儀則有306個Likes。值得注意的是，這回合羅丹虹成功反超前上回合的亞軍陳靜儀，所以說鹿死誰手絕對是未知之數，三個階段投票都係獨立運作，但總票數會直接影響本屆「民選港姐」的賽果，一眾佳麗記得要繼續加油呀！

麥明詩雖然連贏兩次，但正專心準備決賽的她亦不敢鬆懈，落力向粉絲拉票。	成功「升呢」的羅丹虹希望向支持者展示最自然的一面。	陳靜儀落足心機拍短片，希望可以在第三回合的投票反超前。

憑啜核金句「毛髮與生俱來，今次百密一疏，係一個教訓，都係經驗！」回應早前被指走光的麥明詩，於「最腦筋急轉彎」投票內勝出，可謂實至名歸。她得悉自己有509個Likes即笑答：「好開心，多謝網民對我嘅支持，希望繼續畀Likes，大家嘅支持絕對係我嘅強心針。（有信心做到『三連冠』？）梗係想啦，不過順其自然，我都要專心準備總決賽。其實我有睇網民嘅留言，好似佢哋叫我講嘢淡定啲，我依家就改進緊。」

麥明詩對飲食好有研究，連咩芝士應配咩先好食都好清楚，但最估唔到原來佢係搞爛Gag高手！	較重磅的馬詩晴的短片內容都同做運動有關，仲示範咗點樣可以邊做運動邊自拍！	羅丹虹為表達對家人嘅謝意，特登請媽咪去食自助餐，但到底想增肥定係減肥呢？

(9)郭嘉文包尾唔失望

第二階段由亞軍跌落季軍的陳靜儀則表示：「多謝支持。（排名跌咗？）咁我有信心第三階段可以升番上嚟嘅，因為條片我好畀心機去拍，希望大家多啲留意啦。」「升呢」的羅丹虹則表示：「多謝《東網》朋友嘅支持。我本身唔係一個有才藝或特別有自信嘅女仔，所以好珍惜每位朋友嘅支持。（發覺自己口才好咗？）我講嘢冇自信，但依家發現表現自然就最好。」

龐卓欣為拉票，特登出動兩隻狗仔獻技娛賓。不過重點係佢個甜美笑容真係100分！	林凱恩就靠晒廚藝突圍，雖然手勢唔太專業，但勝在賣相吸引，盡顯賢淑一面。	吳慧堯竟然將重點放喺杧果糯米糍度，仲清楚將製作步驟列晒出嚟，但竅妙喺邊呢？

(9)郭嘉文得51個Likes「包尾」，她笑謂：「冇失望，但希望愈戰愈勇。（點樣練口才？）每朝睇多啲新聞，同埋喺嚟緊嘅港姐節目內表現最真誠嘅一面。」而本身算是熱門的(4)龐卓欣兩個回合投票依然三甲不入，她表示：「可能暫時啲觀眾對我嘅認識都係表面，嚟緊周末會有港姐嘅特輯推出，或者觀眾睇完會對我有唔同嘅睇法呢。」

吳佩欣搵埋成班朋友齊齊拍片，不過佢班朋友就似乎「倒米」多過幫手！	程莉欣原本話帶我哋去校園行吓，但突然去咗個不知名嘅地方煮嘢食，夠晒無厘頭	郭嘉文同朋友玩「2015年香港小姐飲食冠軍」，最勁係佢哋喺火鍋店搵素材做后冠，創意十足。
陳靜儀喺分幾鐘嘅短片中，竟然去咗四個地方，仲做好多嘢，完全展現咗佢時間管理嘅能力。	楊苡汶同好多佳麗一樣都係整嘢食，但勝在估你唔到，佢試食完後，竟然出現一個變速奇景！	減磅成功的朱嘉莉勝在夠pure夠true，將樂天知足嘅性格，同正能量完全釋放出嚟。
放大圖片	放大圖片	放大圖片

文：影視組

鍾意就快D Share啦！

下一篇 》