| 吳浩康嬲到爆呀，澄清冇飲醉酒！ | next 1/1 pre |
 | |
| 吳浩康落機時接受《東網》訪問。 | next 1/1 pre |
藝人吳浩康（Deep）昨晚由泰國返港，不過卻遭機上一乘客投訴他疑似「發酒癲」，指他不停問空姐攞啤酒飲，又煩住空姐攞筆用。對此，阿Deep接受《東網》訪問時連聲呼冤，並說：「我邊有行為發酒癲？攞筆用？係空姐想我幫手填寫意見書，親手交番畀佢，咁臨落機佢都未畀筆我，我咪問空姐攞囉，我去旅行畀錢買機票係乘客，問空姐攞啤酒飲都係理所當然，有乜問題先？我覺得啲人好得意囉，又冇騷擾佢，唔明點解要話人發酒癲！」他表示落機之後，還接受《東網》港聞記者訪問，談及有關曼谷爆炸事件，並說：「我冇飲醉！」
Deep坦言為此事感到不憤，他說：「我真係好嬲，我冇得罪任何一個乘客，雖然以前我做過一啲唔好嘅嘢，但唔代表我乜都做唔好，我覺得好無奈，啲人好無聊，如果佢覺得自己啱，使乜偷影我，咪直接埋嚟影囉，作為藝人我就要畀你侵犯偷影呀，我覺得嗰個人好討厭，佢先係滋擾緊我，我真係好想搵番機組人員做證。」
有指他出現「鬼剃頭」，Deep說：「喺呢啲咁嘅（環境）生活點會冇壓力呀！」他表示兩個幾月前開始「鬼剃頭」，他指詢問過中、西醫意見，全是壓力所致，他說：「醫生話心情好，放鬆個人，唔好成日咁緊張，慢慢會好。」
|
鍾意就快D Share啦！
|
|
|