| 連詩雅（右上）同Inez進行地獄式體能特訓。 | next 1/1 pre |
 | |
| 連詩雅雖膝蓋有傷患，但佢愈痛愈跑！ | next 1/1 pre |
 | |
| Inez因為練跑而冇時間打排球！ | next 1/1 pre |
 | |
| 連詩雅（左）孖住Inez練拳！ | next 1/1 pre |
 | |
| 兩個都好CHOK！ | next 1/1 pre |
 | |
| 玩得好開心咁喎！ | next 1/1 pre |
 | |
| Inez幫連詩雅（下）拉筋！ | next 1/1 pre |
 | |
| 又齊齊做雙人瑜伽！ | next 1/1 pre |
 | |
| Inez進行核心肌肉訓練！ | next 1/1 pre |
 | |
| 現場有專業人員以「狼牙棒」為Shiga嘅傷患進行劇痛治療！ | next 1/1 pre |
 | |
| Shiga表情痛苦，不停嗌痛！ | next 1/1 pre |
 | |
| Shiga（左）孖Inez將齊齊跑出香港！ | next 1/1 pre |
歌手連詩雅（Shiga）與早前盛傳被硬撬過檔的前鄧麗欣排球隊Loey「球花」之一梁諾妍（Inez），近數月為出戰本月19日北歐挪威舉行的大型馬拉松賽事的半馬比賽進行地獄式體能特訓，實行跑出香港！二人日前到拳館進行非一般訓練，除了對打泰拳操心肺功能外，還作瑜伽動作柔軟度訓練，現場有專業人員以「狼牙棒」為Shiga多年來跑姿錯誤而導致的傷患進行劇痛治療，治療期間她不斷湧現痛苦表情及連番尖叫：「痛呀！」
目標2.5小時跑完
強忍痛楚受訪的Shiga表示，所有訓練均以完成半馬賽事為目標，坦言因以往腳「月爭」先落地的跑姿不正確，導致膝蓋長年勞損：「平時跑10K多，今次第一次跑半馬，所以真係搵咗個教練嚟Train我哋，佢可以針對我哋唔同嘅需要糾正跑姿。（今次係首次跑出香港？）係，我哋會去到挪威參加北歐一年一度嘅大型馬拉松，自己都好緊張，好開心，但某程度上又好有使命感，希望可以完成賽事，同埋好開心有人同自己一齊跑，有朋友問我：『唔驚變比較咩？』我反而覺得係互相鼓勵。」Inez則表示二人共設有一個時間目標：「想喺兩個半鐘內跑完半馬，所以比賽前兩個月就開始訓練，一定要增強體能先接受挑戰。」她們齊聲表示除了固定的集訓外，亦各自練跑，Shiga與Inez暫時1K（一公里）的最佳成績分別是5分30秒及4分10秒。
怕傷患影響運動及走路
問Shiga膝蓋傷患情況？她說：「之前睇骨科、物理治療師、照X光，都話成個膝頭腫脹，係關節筋膜炎、肌肉發炎，依家有食消炎藥，同埋要經常敷腳，老實講，依家跑步對我嚟講好吃力，所以醫生同我講跑之餘要有充分休息，唔可以太過Overuse膝頭，否則就會影響日後嘅行動，甚至有可能跛。（醫生有冇叫你唔好跑半馬？）當然係勸我休息多啲，警告我要我停跑，我唔係唔想聽，但真係好想完成賽事，惟有唔好逼自己日日操，一痛就停，抖一抖先再嚟過。（痛到食止痛藥？）有，其實都真係驚好似醫生咁講會影響之後做運動或行路，但呢個時刻係諗住跑完先算，因為心理上嘅興奮係可以掩蓋所有痛，所以一定唔會放棄。」
被老闆捉住睇醫生
談到Inez是否因備戰賽事而退出Loey排球隊，她說：「依家每星期最少跑3至4晚，真係冇咁多時間再同排球隊練多兩晚，如果之後有時間，都會打番排球。」Shiga補充：「我發覺為呢個賽事，有好多其他運動都要放埋一邊，我都暫停咗跳舞，如果之後對腳冇事，我都會跳番舞。」問她們的男朋友有否心痛其特訓？Shiga笑指老闆最擔心其傷患：「佢叫我量力而為，係佢日日打電話畀我，捉我睇醫生。」Inez則說：「所有朋友都支持我哋。」
|
鍾意就快D Share啦！
|
|
|
