掃呢頁CODE去手機

2015年9月16日 星期三

伍允龍暗撻劉佩玥 拖情侶篋開餐 劉佩玥,伍允龍,





其他影片:>>






鍾嘉欣同奀星伍允龍拍拖8年,即使被外界視為「女尊男卑」,二人感情亦相當穩定,以為佢哋打風都打唔甩,點知最近忽然傳鍾嘉欣同伍允龍分咗手,盛傳過係因為Super Girls隊長Aka介入,不過,今日有周刊指,奀星伍允龍係拍《城寨英雄》同對手劉佩玥暗撻。

2013年港姐季軍劉佩玥,早前傳過賭王四房兒子何猷亨買外賣探班冧佢;又有指劉佩玥主動出擊倒追,不過,最終佢哋兩個都冇咩聲氣,原來已經暗交伍允龍,周刊又指,鍾嘉欣飽受失戀嘅打擊,幸好一班圈中好姊妹「處女黨」成員陪佢散心,先令鍾嘉欣嘅心情好啲。

據報道表示,伍允龍同劉佩玥都係9月生日,上周四先被影到一齊現身大台搞嘅9月之星生日會,跟手佢哋兩個拉住同款情侶篋call的士走人,直駛返伍允龍位於長沙灣嘅寓所,先去樓下食麵,共聚90分鐘,伍允龍夜晚就送女方去搭的士,難得劉佩玥家住喺沙田,都要去長沙灣食完嘢先返屋企,似乎關係並唔係食麵咁簡單噃!

話晒劉佩玥今年5月先被影到同黃又南車廂談情咀咀,又南仲揸車接送,唔通咁快就戀情告終,轉投伍允龍嘅擁抱?

(微博圖片)(資料圖片) 當日一齊出席完9月之星生日會,二人就call的士走!(微博圖片) 唔通嘉欣BB真係要唱,逝世感情如何留得住…(資料圖片)
鍾意就快D Share啦!