約滿大台嘅胡杏兒,原來大把人爭住要,身價盛傳高到三千六百萬包三年,年底又話會同富貴男友phil結婚。回復自由身，做老闆開嘅婚紗鋪已經開咗，得閒咪幫幫手宣傳套新劇《陪著你走》囉。同以前落力程度當然有分別啦。啲時間，拎嚟同助手high吓tea好過啦。呢日,杏兒就同助手去中環太子大廈tea咗兩粒鐘,坐到夜晚,先上番架七人車離開，仲同壹仔揮手講再見，幾開心呀。奇喎.,明明上咗車,點解杏兒助手又會落返車呢?原來,杏兒見到有個傷殘人士喺度籌款,於是叫助手落車,捐咗一百蚊。真係有心喎。人逢喜事精神爽，係唔同啲嘅。
