網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月2日 星期三

4,000萬人跟彈 理大 Kermit棄工程師搞結他網 [FACE - 432 - 大專校園] MF,



Kermit位於旺角的琴室由中午 12至晚上 9點都逼爆學結他的學生,大部分人都因網站 Polygon而跟 Kermit學音樂。

U人攻略

4,000萬人跟彈 理大 Kermit棄工程師搞結他網

讀書時期只要識彈結他,自彈自唱,冧死女冇難度。 08年理大土木工程系畢業嘅譚佰得(Kermit)當年都係理大出晒名嘅結他王子,經常參加校內歌唱比賽。

雖然成績唔算標青,最好只係拎過季軍,不過佢對音樂嘅熱誠就唔係個個有,畢業後有份幾萬蚊工程師唔做,貼錢搞結他譜網站 Polygon,免費俾同好搵譜:「自己冇乜心機讀書,嗰陣晚晚都喺音樂學會對出嘅長櫈度吹水玩音樂,有時甚至會通頂 jam歌作歌,𠵱家人工一定少以前一大截,但對住自己鍾意嘅音樂又可以幫到音樂新手,淨係呢份滿足感已經冇得比。」

Kermit係流行曲結他譜網站 Polygon及圍威喂嘅創辦人,時下結他友要搵譜,首選一定係 Polygon,貪佢哋啲歌夠新又夠快擺上網,陳奕迅最新大碟《準備中》嘅〈黑洞〉、〈喜歡一個人〉的結他譜已經任人下載。

Kermit學生時期一樣好鍾意上網一邊睇住結他譜一邊自彈自唱,但發覺當時網上冇乜大型結他譜網站齊晒歌,啲 chord又唔啱,就索性自己編完擺上網,點知短短 1日惹來幾千人 share,好評如潮:「我記得放上網嘅第 1份結他譜係〈年少無知〉,點知擺完上網勁多人問我仲有冇其他譜,因為我啲結他譜喺轉 chord位會跟歌詞邊個字(會有括弧),比較適合新手,可能因為咁,啲結他譜較受歡迎啩。」網站有近 4,000萬人瀏覽,唔係浪得虛名。

樂譜更新快

香港免費提供結他譜網站唔多,就算有都唔夠新,但 Kermit的 polygon就好勤力 update,連 E神新歌〈黑洞〉都有,難怪有近 4000萬人跟彈!

關心政治

有音樂人話討厭政治,但 Kermit(右二)就好關心政治,上年 6月,他與樂隊 Do not rush參演由《蘋果》及《 FACE》合辦嘅《大專普選唱》音樂會,以歌聲撐真普選。

教班月入兩萬

雖然大學讀神科,但 Kermit(右)堅持音樂路,放棄高薪尋夢。

本身讀土木工程唔愁冇出路,香港起樓、澳門起賭場酒店,每年都需要大量人才。畢咗業 7年嘅 Kermit初初竟然放棄大好前途去搞音樂網站,眼見以前啲同學出嚟捱咗幾年後有成 8、 9萬蚊人工,但佢坦言從來冇「葡萄」過佢哋:「我覺得冇浪費到大學生涯,反而更加清楚知道自己真心鍾意玩音樂。雖然𠵱家人工一定少土木工程一大截(現時靠教結他維生,月入兩萬),但我起碼日日都對住啲自己鍾意嘅嘢,又幫到一啲音樂新手,淨係呢份滿足感都已經冇得比。」

撰文:彭家駿

攝影:林迅景

鍾意就快D Share啦!