現年50歲嘅亞視前一哥尹天照，憑住一套《我和殭屍有個約會》同萬綺雯情侶檔做到街知巷聞，近年已轉戰大陸市場，更成為虔誠教徒，即使之前曾有人斟佢拍殭屍，尹天照都以宗教理由拒絕。
今日有周刊報道，指尹天照日前喺一間中學嘅佈道會分享見證，自揭愛妻Theresa於4年前患上血癌，更講到一度哽咽，加上自己又患咗類風濕，兩公婆嘅醫藥費加埋都唔輕，不過好彩最後佢靠住自己嘅信仰，慢慢走出陰霾。
4年前Theresa發現患上血癌，令尹天照大受打擊，後來經同樣患癌嘅髮型師好友開解，開始決志信主。及後Theresa接受咗自體骨髓移植手術，但可惜兩年前癌症又再復發，每日要服用6,000蚊嘅新藥控制病情，同時尹天照又發現自己患上類風濕，要打兩千蚊一支嘅生物製劑，既要醫病，又要供樓，經濟負擔好重，但阿照為咗照顧太太，寧願推job同劇。就在太太準備接受親人移植骨髓手術前，阿照才驚悉胞兄去世的消息。
阿照於佈道會上謂，太太患病後，令佢先至發現自己真係好愛對方：「我紅過，但最重要，始終係我太太。我唔追求做第二個張家輝，當人經歷過生死，就覺得名利都係虛幻。」
阿照又自言，從小缺乏屋企人嘅愛，同兄姊感情唔好，加上父母早亡，82年為咗搵食加入亞視藝員訓練班。因為沒嘗到多少家庭溫暖，故阿照喺亞視特別搏命，希望靠自己捱出頭。佢仲自爆拍《我和殭屍有個約會》嘅時候，有好多動作場面都係親身上陣，曾喺天橋跳向巴士、甚至喺20樓跳落街，雖然最終劇集令佢一躍成為亞視首席小生，贏盡名利金錢，近年就轉戰內地市場搵真銀。
尹天照又講到佢經歷過亞視幾次嘅震盪，佢話亞視當時幾年換一次老闆，正所謂一朝天子一朝臣，當時尹天照由閒角做到主角，一換老闆又要由閒角做起，一起一落，落完又升番上嚟，真係人都癲，結果每次都要入老闆房，同對方講:「我敢誇口自己係全亞視年輕藝員裡面最識演戲嗰個!我演得又打得，你想我點都得!」亞視呢份工，真係唔易做!
| （資料圖片） |  尹天照和萬綺雯在《我和殭屍有個約會》嘅情侶檔深入民。（劇照） |  尹天照當年拍《我和殭屍有個約會》嘅時候唔錫身搏到盡，很多危險場面均親身上陣。 |
 尹天照與太太相識相愛32年，感情深厚。 |  尹天照與好友張文慈成日結伴一齊出席教會活動。 |
|
鍾意就快D Share啦！
|
|
|