歌手蔡卓妍(Sa)與陳偉霆(William)今日)凌晨突然寫下長篇分手宣言，旋即惹起兩岸三地關注！William昨日喺杭州出席活動，該活動由師兄謝霆鋒有份合作嘅橄欖油公司主辦。而阿Sa今日所出席嘅活動，亦係由該橄欖油公司主辦。
為同一個品牌出席活動，不過地點就喺大陸蘇州，阿Sa係宣布分手後首次現身活動，未知心情如何嘅佢雖然面帶笑容，不過表現唔太投入，似乎係強顏歡笑。期間佢喺台上同三位粉絲互動，之後阿Sa仲喺台上表示，希望盡力將愛傳畀更多人，又指希望大家唔單止要寵愛自己，仲要愛家人，以實際行動去表達。
