三女來自單親家庭Ceci母患癌 FFx崩潰哭訴坎坷身世
本地跳舞女子組合FFx近日憑一首900蚊廉價歌《Sugar Baby》MV，5日內在YouTube吸超過110萬點擊，負評近3萬，被網民恥笑騎呢兼粗口問候。採訪：小米
前日FFx接受專訪，原來在笑聲背後是一段段的坎坷故事，Shirley小時因父母離異而住兒童之家，中二要半工讀；同樣單親的Ceci和Christy，前者母親患癌，後者從小做兼職以減輕返兩份工的苦爸爸，四女越講越崩潰，齊齊爆喊。
■港產組合FFx近日憑《Sugar Baby》MV吸過百萬點擊，四女前晚到蘋果大樓接受專訪。攝影：陳志嵐
■（左起）Christy、Shirley、Ceci和Mizaki講到坎坷身世及近日負評時，忍不住崩潰落淚。
Shirley曾住兒童之家
現年21歲的楊澤怡（Shirley），年幼因父母離異要入住兒童之家，儘管從小沒有家庭溫暖，她仍努力讀書，最終考入大學。近日《Sugar Baby》MV遭全城笑爆，Shirley謂害怕得不敢返學：「一聽到撻撻聲，即係首歌頭嗰幾拍嘅節奏都驚，覺得有人特登整啲聲畀我聽。」Shirley一直表現堅強，但講到自己身世，忍不住哽咽說：「好細個就獨立生活，中二已返工，中三、中四就要搵唔同地方住，好彩入到大學，但壓力好大。今年要準備畢業論文，每星期都花好多時間喺FFx，每樣嘢都得來不易，付出咗好多。」Shirley否認入娛樂圈是發明星夢：「自己鍾意唱歌跳舞，有機會就試下，一直都有付出努力！」
Ceci 賺錢為醫癌母
21歲的李詩詠（Ceci），父母離婚後跟隨母親在坪洲生活，家中經濟環境欠佳，母親縱使患上癌症，仍堅持返兩份工，自己就努力賺錢為母醫病，許多時工作太夜錯過返回坪洲的尾班船，被迫在碼頭呆等，一於慳得就慳。
Ceci講起飽受癌魔折騰的母親，忍不住落淚，並為近日網上的留言攻擊而憤憤不平：「有人WhatsApp講粗口鬧我，叫我收皮，好唔開心。我覺得好諷刺，唔甘心，我哋過去做咗好多正常嘢，去老人院、賣旗，但冇人識、冇人欣賞，但竟然因為呢件事有人識！」Ceci最感難受的，是連累家人遭惡毒問候，她並理直氣壯說：「有人話我係『人造人』，我冇整容，我冇打針，化妝箒，使唔使咁呀！」
Mizaki累母親受壓力
潘穎琳（Mizaki）是FFx中唯一有完整家庭，但家庭環境與其他拍檔一樣欠佳。近日歌曲MV負評如潮，Mizaki坦言連累母親亦飽受壓力，甚至有親戚致電母親，勸Mizaki退隊，她含淚說：「媽咪一直都好支持我，但原來有人問佢個女係咪食塞米，媽咪冇同我講，係有次我發脾氣，媽咪先爆咗出嚟，我即刻覺得自己好對佢唔住，加上今次網友連屋企人都鬧埋，自己覺得好唔孝順，媽咪仲要𠱁我，所以喺屋企都唔敢喊。」其他三位成員見Mizaki泣不成聲，即遞上紙巾互相安慰。
Christy爸爸返兩份工
同是來自破碎家庭的16歲周葆諭（Christy）仍是中學生，多年來跟隨父親生活，她從小夢想，就是父母能與她一起慶祝生日，可惜一直好夢成空，她說：「父母都係分開咗，爸爸要做兩份工，我中一就開始做嘢，但係中一我可以做到啲乜？𠵱家叫做大個少少，先所謂有能力負擔自己書簿費同飯錢！」
一直表現堅強的Christy亦忍不住落淚說：「我本來講過唔喊，我自認樂觀，俾人鬧我睇到都笑，覺得啲人幾有創意，但我認致命點係屋企同學校（家人被罵及遭同學恥笑）。」
|
鍾意就快D Share啦！
|
|
|