正在服兵役嘅韓劇《感激時代》男星金賢重同前女友崔小姐嘅羅生門是非由上年到O依家為止鬧到沒完沒了，上星期崔小姐更秘密生B，又話金賢重唔肯驗DNA，將矛頭再次指去金賢重度。
今日，金賢重方面就舉行緊急記者會，透過金賢重嘅代表律師公開金賢重早前去驗DNA嘅相片，更公開一封由金賢重嘅自白信，還金賢重一個清白。
金賢重喺信入提到：「BB喺9月12日出世嘅消息我完全唔知情，都係透過報導先得知消息，更加見到有報導話我拒絕進行親子確認。我已經準備好親子確認嘅文件，我唔係因為懷疑BB嘅身份，進行親子確認嘅目的係要知道自己應該負上咩責任。」
又話：「我都想親自養大BB，但唔到我隨心所欲，因為所有事都要依法行事，抱歉我未能講太多。現時對於BB出世嘅事都冇實感，腦海入面亦會諗BB同我似唔似樣，對於BB出世當日唔可以同佢喺埋一齊，呢世都會對BB存有抱歉之心。到O依家為止仲好陌生嘅爸爸，仲有「爸爸」呢個字，更會諗應該點養佢。」
而金賢重嘅代表律師更提到金賢重表示即使佢係BB嘅生父，亦都唔會同崔小姐復合，而律師亦都指摘崔小姐至今未肯交出BB嘅血型結果，似係有心拖延時間，仲要求崔小姐唔好再利用BB嚟作為起訟金賢重嘅道具。
|
鍾意就快D Share啦！
|
|
|
