怪舞甩嘴走音勁騎呢 FFx 900蚊拍MV換40萬點擊
繼黃宏舜（娃娃舜）早前重出江湖唱《娃娃愛天下》掀起全城熱話，4人女子組合FFx一首製作費只900元、已派台十個月的歌曲《Sugar Baby》也忽然彈出，MV前晚如病毒般，入侵各大社交平台並迅速蔓延，截至昨晚點擊率已40萬，惟因FFx的騎呢舞姿和歌唱技巧，負評亦多達八千多個，FFx可謂一夜成名！
女子組合FFx出道近兩年，原本有六位組員，初時走肉感路線，每次出席活動都趷籮拗胸賣性感，其後有兩位因為舞技欠佳被飛，組合重新換血後變成四人，包括同樣21歲的楊澤怡（Shirley）、潘穎琳（Mizaki）、李詩詠（Ceci）及16歲的周葆諭（Christy），Shirley去年曾因被前男友潛入宿舍扯髮而報警。
■FFx四位成員均表示不介意MV被批評，但希望大家不要寫粗口留言。
■《Sugar Baby》成本只需九百元，字幕sugar都串錯為suger，被網民狂笑。互聯網圖片
■成員Shirley去年被前男友闖入學校宿舍襲擊，經理人陪她去報警。資料圖片
抄襲少時學嘢
FFx這首《Sugar Baby》其實已經推出十個月，只是一直無人留意，萬料不到一個只在窄走廊、花900元製作拍攝的低成本MV，反而令她們忽然熱爆，至昨晚，點擊率已40萬，更有網民將MV變成「天線得得B」版，十分搞笑。對於MV在網上劣評如潮，指她們舞姿騎呢、甩嘴又走音，是樂壇一個巨大衝擊，FFx四位成員昨日接受本報記者電話訪問時均表示不介意，Shirley說：「有睇到粗口留言，覺得好多人只係自己想發洩，我哋係想畀fans睇MV，批評好唔好都會接受。」
Ceci同樣表示有看到網民以粗口留言，她說：「初初都有唔開心，但諗番又覺得大家都係想我哋進步。」問到被指是MK組合可有不快？Ceci說：「都係本土文化箒，我都收到好朋友短訊，話我上咗位，好紅，自己都覺得好驚訝。」Mizaki、Christy同樣表示不介意善意批評，但希望大家不要講粗口。對於被指抄襲韓團少女時代，Christy承認：「我哋一直都話有參考佢哋，都想學吓佢哋各方面嘅態度。」
■網民惡搞FFx新歌MV變成「天線得得B」版。
只付租器材費
FFx經理人Sam對於有人在網上爆料，指他只花了900元做MV製作，欺壓負責拍攝的年輕製作人，他在電話中說：「900蚊係租器材嘅錢，學生（指年輕製作人）冇收錢，唔想個學生搞手俾人誤會落格。」他又謂：「冇偷呃拐騙成份，拍攝人員當日好正常，冇強迫，唔明點解今日先有人爆料。」
採訪：小米
|
鍾意就快D Share啦！
|
|
|
