《學是學非》受歡迎，節目一而再添食，為有份做主持嘅梁嘉琪加咗唔少分！
同你吟一吟
梁嘉琪慳錢熬巴士返屯門
余詠珊做咗無綫綜藝科大家姐之後，為咗鞏固山頭勢力，一班前有線愛將全部被徵召歸隊，包括踩埋入戲劇組嘅頭寵黃翠如同洪永城。
其實最早過檔無綫嘅有線主播係梁嘉琪， 07年已經俾大台睇中撬佢跳槽，雖然而家同無綫只係簽部頭約，但始終有余詠珊睇住，有劇拍之外，仲有機會做主持，其中資訊節目《學是學非》就不斷添食再添食，令梁嘉琪增添唔少人氣。
上星期一（十月十二日），梁嘉琪喺中環做完嘢，坐 962X返屯門，只係$18.8，一個鐘唔使就返到屋企，就算撞正六點放工時間巴士站大排長龍，梁嘉琪戴番個口罩，照埋位排隊，等咗十分鐘，終於有車。無綫份糧有限錢，點都係搭巴士化算。
|
鍾意就快D Share啦！
|
|
|