| 估唔到因為前夫劉坤銘撐細仔場，引爆羅霖開火，仲揚言冇邀請前夫到場。 | next 1/1 pre |
 | |
| 羅霖話同前夫離婚後，雙方一直只靠家傭或律師信溝通。 | next 1/1 pre |
 | |
| 身處泰國拍戲搵錢嘅羅霖，寓工作於娛樂大啖當地美食。 | next 1/1 pre |
 | |
| 為咗幫仔仔支付學費，羅霖以50歲之齡全力衝刺事業，無論打戲或是吊威吔都頂硬上。 | next 1/1 pre |
 | |
| 劉坤銘今日突然現身細仔時裝騷撐場。 | next 1/1 pre |
 | |
| 仲大讚細仔有模特兒天分。 | next 1/1 pre |
 | |
| 不過最後細仔就拒絕同劉坤銘合照。 | next 1/1 pre |
 | |
| 但就有同羅霖嘅媽咪合照。 | next 1/1 pre |
與前夫劉坤銘離婚三年的羅霖視三名兒子為命根，一直努力搵錢，希望令兒子們有更好的生活，而大仔到美國讀書，據知她已支付第一期學費達18萬元。為努力吸金，今年更以50歲之齡出寫真及接拍情慾戲，近日因要飛到泰國拍戲吸金，因而缺席細仔劉子晉時裝騒。
羅霖雖身處泰國，仍派媽媽撐場，卻冷不防前夫劉坤銘不請自來，與前外母前後腳到場兼接受訪問。問到覺得細仔可有天分做模特兒？劉坤銘說：「應該有！（支持佢入行？）太細，順其自然。」
單身自然有人追
談到羅霖近日被指與富商關係密切及整容一事，他透露雙方自離婚後已甚少接觸，不太清楚其感情事：「單身自然會有追求者。（離婚後有冇同羅霖見面？）冇乜！（唔會溝通三個仔嘅事？）會透過工人去傾。（見得多唔多？）好少，一至兩次，都係送機同接機。」
細仔拒合照
問到可會覺得羅霖有整容，他說：「差不多，瘦咗啲！（咁有咩唔同？）靚咗啩！（邊部分靚咗？）樣啩！整體，後生啲！（會唔會認唔出佢？）咁又唔會唔認得。（之前有冇聽過佢想整容？）我諗佢冇需要執，女人好識美容，佢又Keep住護膚！」問到可會介意與羅霖同場？他說：「睇緣分同機會。（怕見面尷尬？）冇乜尷尬！（再見不是朋友？）唔係，始終都係三個小朋友爸爸媽媽。」問到可有新對象？他笑說：「等緊！」
待細仔行騷後，他應記者要求與細仔在後台合照，但細仔竟拒絕，卻和「代表」媽媽羅霖撐場的婆婆合照。
靠律師信溝通
對於劉坤銘言談間提到自己時似乎話中有話，身在泰國的羅霖終不甘示弱隔空向前夫開火，揚言並無邀請前夫到場，兩人離婚後亦一直只靠家傭或律師信溝通：「知自己唔喺香港，一早安排媽咪同朋友幫手照顧（劉子晉），佢捧仔場冇所謂，但事前又唔通知聲，呢三年做所有嘢都冇講，大家有溝通過，有乜事都係由大仔同工人或律師信傳達。」
否認富商照顧
談到有傳她被富商照顧，羅霖坦言十分冤枉：「有富商照顧？根本完全唔識，如果有男友，而對方有錢又肯照顧我，我一定會公開！我唔係只向錢看，鍾意嘅男人唔一定要有錢，但真係冇呢個人嘅存在。（出入有名車接送？）我只係用電召服務Call車。呢幾年做嘢好辛苦，每日只瞓三、四個鐘，今次去泰國拍戲，50歲人自知骨頭硬，仲要拍打戲，又要吊威吔，拍得辛苦！」
嚴重貧血隨時入院
她更自爆有嚴重貧血要食補血藥：「去泰國前有做過Body Check，發現有幾嚴重貧血要食補血藥，如果返嚟貧血情況冇改善，要入醫院。」對於近日被指整容令下巴變尖，她說：「我之前都已經講過因為做美容代言人，所以要喺塊面度打蛋白溶線針，打完之後面形會變尖，又唔係開刀。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|