| 薛嘉麟為護愛子發聲，最MAN。 | next 1/1 pre |
 | |
| 諸葛同薛嘉麟一有時間就會陪囝囝，係好好嘅媽咪同爹哋。 | next 1/1 pre |
名模諸葛紫岐（Marie）與Neway太子爺薛嘉麟近期傳姻婚亮紅燈，兩位當時人未有正式交代，關係撲朔迷離，但據知二人只要一有時間，仍是會抽空陪伴囝囝。
而適逢今日公眾假期，二人均在香港，故一心想陪同兒子外出到公園玩，不過當一家三口坐車出發時，卻突然在馬路中途被攔載狂影，嚇得兒子受驚嚎哭。記者就事件致電薛嘉麟，他回應時明顯怒氣未消，不滿地說：「難得有個好假期，陪阿仔出去，點知喺車度一停紅綠燈就有幾個人衝出嚟，不停影，喺條馬路度咁樣做好危險，我哋做錯啲乜？要咁樣對我，個仔嚇到不停喊、好驚，佢哋仲要唔止一次，幾次停燈都係咁衝出嚟，嗰刻當然要保護個仔先，突然咁樣被嚇親，好彩佢哋揸嘅係相機，如果係其他嘢點算？你唔知會發生乜事，香港就話治安都放心啫，第二個國家真係唔知點。」
被問到與Marie的感情狀況時，薛嘉麟依然不願多提，並說：「處理緊，畀啲時間，畀啲空間我哋，唔想講太多。呢輪發生好多事，好多情況，我前兩日先返香港，難得有時間去處理問題，點知突然被人衝出嚟嚇親。」
其實Marie自從去年尾自組娛樂公司後，時常飛外地傾公事，忙得不可開交；薛嘉麟亦因業務長期不在港，兩夫妻見面機會甚少。Marie近期又不時在微博上寫下感性字句，例如「不是每個人都會在原地等你」、「真心如果你給不起，請遠離我」，字裏行間似有所暗示。而甚少玩微博的薛嘉麟，早前突然寫上「是否狂風暴雨過後會涼風刺骨」，還上載了「婚姻是甚麼」的文章，令人猜測二人婚姻是否出問題。不過無論二人關係如何，二人都會以囝囝為大前提，難怪囝囝今次嚇親薛嘉麟這麼生氣了。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|