探熱針
黃翠如收網 蕭正楠全面受控
看似柔弱的黃翠如，對男人絕對有一手！自從公開宣示蕭正楠名草有主後，便逐步收網，主動要搬入男友華景山莊寓所同居，全天候監視，連同朋友聚會，翠如 BB都跟到實，入侵蕭正楠朋友圈子，進一步掌握對方行蹤。
黃翠如滴水不入，蕭正楠無機可乘，被迫全面受監管。
滲入朋友圈
前陣子，有傳蕭正楠同吳若希拍《倩女失魂》期間，被女方姣電，最近拍《巨輪 2》，又爆出偷食同劇演員劉思希，唔理真假，只要稍有風吹草動，已觸動黃翠如的神經，對男友看管得更緊，搬埋同住做管理員外，就算朝見口晚見面，照奪命追魂 call check住行蹤，為免掛萬漏一，她更刻意同蕭正楠的朋友混熟，廣布線眼。
上星期一（十月十二日）晚，蕭正楠約了老友曹永廉及方中信到炮台山 XXL法國餐廳開飯，據了解，這個飯局是男人摸酒杯底吹水，事先大家都沒有預另一半出席，但黃翠如知道後堅持要跟埋去，因為她剛剛拍完《 Do姐去 Shopping》從英國返港，而蕭正楠過兩日又要到澳門拍《巨輪 2》外景，投訴兩人冇乜時間一齊，大條道理！
主動拖攬
最後，黃翠如得逞，飯局由男人幫變成攜眷活動，方中信帶埋莫可欣，曹永廉就同老婆姜依蘭，三 pair人七點半準時到，三個男人一落車，就搭晒膊頭密斟，飯局中途鄭嘉穎突然加入，不過係單拖，冇陳凱琳份。
一餐飯食了接近五個鐘，離開時，黃翠如突然在人前主動拖住蕭正楠隻手，又詐晒嬌，要同男友攬一攬先肯上車。翠如 BB這個天羅地網，絕對無邊無界。
撰文、攝影、攝錄：娛樂組
|
鍾意就快D Share啦！
|
|
|