【1年4次求復合】余文樂黃伊汶世紀挽手 放低過去冇芥蒂 余文樂,黃伊汶,

其他影片：>>

再見亦是朋友。曾經傳過對舊愛黃伊汶念念不忘嘅余文樂，噚晚喺九展出席「藝能集團三十周年慶祝晚宴」，同黃伊汶嚟個世紀挽手合照，仲貼埋上微博，睇嚟以前嘅嘢，全部都放低晒。

當年余文樂同黃伊汶發展咗5年地下情，不過有傳樂仔花心俾女友怒掟嗌分手，後嚟又有傳聞話樂仔對舊愛一直念念不忘，1年4次求復合0添!

雖然樂仔嘅緋聞一直傳過唔停，不過呢啲都已經過去，黃伊汶同陳國坤結埋婚，成為幸福人妻，依家又陀緊B 0添!所以噚晚舊愛相遇，已經冇芥蒂，黃伊汶仲張挽住樂仔手臂影合照放上facebook同大家分享，佢兩個又一齊同譚校長、李克勤影合照，大家都笑得好開心。而噚晚個晚宴，好多藝人都有出席，校長同溫拿、劉德華、溫碧霞等等，克勤仲上台唱歌贈慶。

溫碧霞都有喺微博放咗同劉德華嘅合照，大家有冇諗番起佢哋合作嘅經典《停不了的愛》，原來已經係31年前，真係要讚吓啤霞，好似食咗防腐劑，個樣到依家都keep得好好。

	世紀挽手合照！(微博圖片)	噚晚舊愛相遇，已經冇芥蒂。(微博圖片)
溫碧霞都有喺微博放咗同劉華嘅合照。(微博圖片)	當年余文樂同黃伊汶發展咗5年地下情。(資料圖片)	(資料圖片)
(資料圖片)

鍾意就快D Share啦！

下一篇 》