| 現年24歲的陳凱琳剛踏入社會不久，估不到她已經認真考慮了將來結婚的場面。 | next 1/1 pre |
 | |
| 雖然希望將來生小朋友，但體貼的陳凱琳明言會尊重男友的意願。 | next 1/1 pre |
 | |
| 陳凱琳大讚鄭嘉穎有心思，久不久會送上神秘驚喜。 | next 1/1 pre |
 | |
| 陳凱琳坦言愛一個人就要接受埋對方的缺憾。 | next 1/1 pre |
 | |
| 自言很「宅」的陳凱琳強調需要個人空間，所以絕不會成為貼身膏藥般的女友。 | next 1/1 pre |
 | |
| 貴為「白富美」代表的陳凱琳原來擇偶條件非常簡單，就係要大家夾得埋及啱傾。 | next 1/1 pre |
 | |
| 陳凱琳拍拖的亂標明確，就是要結婚。 | next 1/1 pre |
 | |
| 陳凱琳大讚男友於工作上幫助她不少。 | next 1/1 pre |
 | |
| 唔講唔知，原來陳凱琳參選港姐全因覺得郭羡妮選港姐時好震撼，陳凱琳仲大讚郭羡妮係好勤力嘅演員。 | next 1/1 pre |
 | |
| 鄭嘉穎與陳凱琳今年初合演新劇《殭》而撻着。 | next 1/1 pre |
 | |
| 今年四月《好報》獨家踢爆陳凱琳到鄭嘉穎屋企短聚。 | next 1/1 pre |
 | |
| 今年6月二人在金鐘扒房撐枱腳。 | next 1/1 pre |
2013年港姐冠軍陳凱琳堪稱「白富美」表表者，身為千金小姐的她，戀愛經驗少之又少，她說過拍拖要小心了解相處兼講Timing，才能扑槌認證為男友，又自爆幾乎冇拍過拖，以往最多只約會睇戲食飯，試過出兩三次街就拖手，但之後冇Feel未有繼續發展，她亦曾透露過往拍拖都不超過兩個月。和46歲的鄭嘉穎於今年初合演新劇《殭》邂逅，經過了解後終認拍拖，鄭嘉穎明顯「考核」成功兼「試用期」合格，順利過渡，拍拖至今已逾大半年進入「安全期」。
陳凱琳認為拍拖的目的就是想有將來，目標明確，故獲父母支持：「佢哋知我唔會隨便拍拖，真係Make Sure對方同我相處得好好先會發展。我好認真，拍拖係想有天長地久，否則點解要拍拖？」
生BB 有商有量
鄭嘉穎曾讚陳凱琳全冇千金小姐的氣燄，反而懂得體諒別人，難能可貴。陳凱琳的確是「任你Say」女友，凡事有商有量，難怪和鄭嘉穎年齡相距22年也不成問題，源於她抱着「愛是不保留」的態度，即使對方的缺點，也照單全收。「所有嘢都講Timing，搵一個夾到、所有嘢都有傾有講嘅人就OK！無論係無聊傾偈定係講正經嘢，佢都畀到意見你，而且唔可以話鍾意佢嘅邊一面，人愈大，我覺得對方所有嘢都要鍾意，Even佢嘅缺憾！除非嗰個缺憾好影響雙方關係，否則要好全面咁愛對方！」陳凱琳的有商有量，遠及將來生兒育女。「我好鍾意小朋友，但依家好多人都唔生，我好尊重各方意見，所以要了解男方意願，Even我想要但佢唔想嘅，咁大家一定要傾。」
陳凱琳說跟圈中人拍拖的好處，就是理解對方的工作，又撐鄭嘉穎不是愛周圍撩女仔的花弗男。她又自言很「宅」，需要個人空間，故不是一個貼身膏藥的女友，但同時又會花心思製造驚喜：「最緊要夠細心同誠意！例如行行吓街講咗句：『我好想去新加坡食榴槤。』無啦啦有一日佢真係搵嚟畀你食，呢啲小驚喜比名貴嘢嚟得更開心！」陳凱琳今年的24歲生日，因工作關係要在法國度過，鄭嘉穎便特意飛往當地給她驚喜慶祝，正中紅心！
婚紗相一定要多
陳凱琳追求細水長流的愛情，眼見今年踏入結婚三十周年的父母感情仍然甜蜜，令她對婚姻充滿憧憬。有時為工作而穿婚紗，總會觸動其恨嫁的心：「着婚紗上身，就會諗自己究竟幾時結婚，又諗要揀一條點樣嘅婚紗，好似揀極都揀唔完！可能到正式嗰日會揀到，但係影婚紗相真係要影好多條！」夢想的婚禮？已經想好了！她說：「鍾意靜嘅地方，可能喺森林入面，有啲燈籠有張白色長枱，好靚好簡單。成班朋友同屋企人一齊食飯傾偈，我同老公就坐主席位！」
全靠男友點醒
陳凱琳和父母感情要好，工作忙碌令她與家人見面時間隨之減少，因此她每次出席活動都會當成「畢業禮」，要父母親身「見證」。「爹哋會幫我影好多相，媽咪就喺台下面望上嚟，見到佢個表情好Proud of個女，好似畢業禮咁！我當年因為返嚟選港姐冇行畢業禮，所以依家會叫佢哋嚟睇，畀佢哋知個女做緊乜，令佢哋安心！」由前年參選港姐入行開始，面對被質疑整容、家底被揭等，她坦言對家人感抱歉：「我喺外國長大，冇諗過香港傳媒點運作，影響到佢哋我會唔開心。父母成日擔心我、問我有冇事，對我好大安慰！」
選美皆因郭羨妮
參選港姐是童年夢想，陳凱琳直言1999年港姐冠軍郭羨妮是她參選的「主因」：「8歲睇港姐嗰陣覺得佢好震撼好靚，決定參選係唔想後悔！我知自己同佢之間有好多相似位，佢令我好有動力去選，係我好Admire嘅師姐，除咗美貌與智慧並重，佢係好勤力嘅演員，依家亦係個好媽媽。」
熱愛演戲的陳凱琳又表示視田蕊妮為目標：「阿田喺《巨輪》真係做得好放，要做到咁先成功！同佢合作《巨輪2》算係圓夢，就算唔係拍自己場口，我都會去偷師睇佢點做，唔使以前咁靜靜雞去睇，可以堂堂正正咁企喺度！《巨輪2》入面我係一個好大膽嘅女仔，有好大發揮空間。第一次睇劇本會用First Impression去諗個角色應該點做，好似個角色要跳海，第一次睇就係『跳就跳啦』，睇第二次會諗點跳可以同其他人唔同，令個角色變得好『自己』！」
拍喊戲開竅
咁，鄭嘉穎呢？陳凱琳即細說之前與男友拍劇的「開竅」事件：「有一場係同鄭嘉穎拍，講我為佢犧牲咗好多，去佢舖頭前面大嗌，佢點都唔肯出嚟，之後我崩潰喪喊，但當時太緊張完全喊唔出！嗰場嘉穎未埋位，佢知我做得唔理想特登嚟睇，行埋嚟叫我清清楚楚咁諗場戲講咩，而唔好靠其他嘢去幫我，唔係幻想朋友、家人入院呢啲。嗰刻立即明晒，再拍嗰陣喊到收唔到聲咁滯！」
|
鍾意就快D Share啦！
|
|
|