「不能只有我看到系列」之「算吧啦處女黨解散吧啦」，今日主角係岑麗香……香香公主從來只有緋聞，點解佢會同男仔拖手仔0架，點解呀!!!!
又重回將軍澳新都城中心呢個傷心地，啱啱香香公主先至同一名六呎高戴cap帽真心個樣唔算靚仔嘅男子十指緊扣行商場，沿路我摸下你，你又摸下我，香香公主竟然毫不避忌，唉……兩人去完電訊公司辦手續之後，出番嚟，成個商場都係人，佢哋仍然手拖手，手指勾手指……途人回頭望，眼神打量，但香香完全唔理，繼續拖，向全將軍澳人宣示主權咁話啦!
唉。香香公主同呢個六呎男拖咗起碼兩三次，熱戀中情侶原來都識睇時間嘅，之後兩人去停車場攞車，男方仲開埋車門俾香香lady first……出車返將軍澳中心。綠燈嗰陣，香香隊部手機俾一男子睇，依稀見到手機裡面係一個女仔大頭……香香仲用手撩男子下巴，body language係:「伸個頭埋嚟睇啦衰豬!」
最令人心碎一刻，依家發生了——兩人返到將軍澳中心，就在車廂中，K~I~S~S了!仲錫咗幾次，仲係香香做主動，熱情咁狂吻……每一次咀完，兩個頭分開，香香都會甜笑，六呎男仲係咁掃佢個……頭，又將手放喺佢膊頭上，好甜，好甜。咀到夠喇，兩個就上咗樓lu…
已經數唔到呢兩篇「不能只有我看到系列」之「算吧啦處女黨解散吧啦」用咗幾多個省略號。只係知道，呢輯相同片，不‧能‧只‧有‧我‧看‧到!
|
鍾意就快D Share啦！
|
|
|