李家誠同徐子淇嘅第四位小朋友李建熹出世，BB似邊個? 睇番子淇嘅發相，BB鼻大大似足爹哋，眼仔就似足媽咪，睇唔清? 嚟!醒張獨家靚相俾你哋睇真啲啦!
BB出世之後，徐子淇就幫BB影咗輯相，呢一張用咗塊網布包住建熹，成個蠶繭咁，你睇建熹瞓到流晒口水，咁得意，真係好想鍚佢一啖呀!子淇每次生完BB之後都會喊，不過今次就誇張啲，喊足近半個鐘。唔係因為痛得濟，而係佢知道生完呢胎之後，就要封肚唔生。徐子淇咁愛小朋友，加埋喺INSTAGRAM講到「製造一個小朋友過程我很開心，見到個肚慢慢大係一個奇蹟，兩個身體喺同一肌膚之下，做媽媽係一個好值得嘅經驗。」就知封肚呢個決定對於徐子淇幾咁唔捨得啦!
徐子淇打算生5個，依家生到第四個就收手，全因為湊4個太吃力。本身湊住3個小朋友嘅子淇，唔想將湊仔呢個重任交比工人，於是上至湊返學放學，下至陪小朋友去玩，樣樣嘢都親力親為。依家仲要將所有嘢乘四喎，一日24小時都唔夠啦!今次子淇仲要因為太掛住屋企另外三個小朋友，生完第三日就已經要求提早出院。如果加埋第５個，真係唔知點算，所以子淇同老公商量完之後，決定提早封肚。
話晒封肚前最後一胎，如果有留意子淇嘅近照，就會發現佢影咗唔少大肚靚相，張張都靚爆鏡。梗係啦，之前嗰３胎都瘋狂進補，今次主力係食有機健康食物，所以子淇今胎陀得靚靚，淨係重咗三十磅。梗係影多啲靚相做紀念啦!
BB出世之後，徐子淇就幫BB影咗輯相，呢一張用咗塊網布包住建熹，成個蠶繭咁，你睇建熹瞓到流晒口水，咁得意，真係好想鍚佢一啖呀!子淇每次生完BB之後都會喊，不過今次就誇張啲，喊足近半個鐘。唔係因為痛得濟，而係佢知道生完呢胎之後，就要封肚唔生。徐子淇咁愛小朋友，加埋喺INSTAGRAM講到「製造一個小朋友過程我很開心，見到個肚慢慢大係一個奇蹟，兩個身體喺同一肌膚之下，做媽媽係一個好值得嘅經驗。」就知封肚呢個決定對於徐子淇幾咁唔捨得啦!
徐子淇打算生5個，依家生到第四個就收手，全因為湊4個太吃力。本身湊住3個小朋友嘅子淇，唔想將湊仔呢個重任交比工人，於是上至湊返學放學，下至陪小朋友去玩，樣樣嘢都親力親為。依家仲要將所有嘢乘四喎，一日24小時都唔夠啦!今次子淇仲要因為太掛住屋企另外三個小朋友，生完第三日就已經要求提早出院。如果加埋第５個，真係唔知點算，所以子淇同老公商量完之後，決定提早封肚。
話晒封肚前最後一胎，如果有留意子淇嘅近照，就會發現佢影咗唔少大肚靚相，張張都靚爆鏡。梗係啦，之前嗰３胎都瘋狂進補，今次主力係食有機健康食物，所以子淇今胎陀得靚靚，淨係重咗三十磅。梗係影多啲靚相做紀念啦!
|
鍾意就快D Share啦！
|
|
|