鄭嘉穎同陳凱琳最近又拍住拖見報，不過唔係一齊，而係先係鄭嘉穎回應黃秋生對女友嘅演技批評，跟住女方又隔空回應番話男朋友講得啱咁啦。日日喺大陸拍劇嘅嘉穎，趁呢幾日返港，即陪女友，咁當然啦，之前有傳話陳凱琳同洪永城撻著，咁嘉穎人在大陸，鞭長莫及，趁有時間返港當然要睇實啲。
今晚七點左右，鄭嘉穎揸住架芥辣色跑馬，車住陳凱琳一齊拍拖拖，兩個都戴住帽，去到時代廣場附近，陳凱琳先落車，一支箭入咗去金朝陽嗰幢大廈。一粒鐘之後，陳凱琳先至落樓，喺大堂笑笑口講電話，應該就係等鄭嘉穎嚟接佢。
咁啱今日鄭嘉穎都做咗周刊故事主角，話說當時兩人喺大坑一齊買生果，男嘅發現被偷拍，即嗌stop，又拎出手機反拍周刊記者，而且越行越近，手機幾乎貼落記面上。最後嘉穎用手撥記者鏡頭，並指對方是「廢青」咁，其時陳凱琳就避開咗，專注揀生果，未有勸阻。
今日問番陳凱琳呢件事，女方聞言即緊張地問:「你哋邊間0架？」再謂:「真係唔好意思，我唔接受得你哋訪問。」再問番點解當日鄭生咁火爆，會否控制一下對方情緒？陳凱琳就謂:「我都會同佢傾下，了解下。唔好意思我真係唔可以接受你訪問，不如你問番佢本人，等佢回應番。」笑笑口同記者bye，去番頭先落車個位，鄭嘉穎架車即殺到。
陳凱琳未知是想保護男友免受訪，定係唔想雙雙上鏡，於是急急走番入連卡佛化妝品counter行咗個圈，好焦急咁講電話，最後無奈地行返出來，上車，雙雙離開喇。
| 採訪、攝影:徐錦池、畢紹基 |  密密講，向男友報位置 |  「真係唔好意思，我唔接受得你哋訪問。」 |
 |  「我都會同佢傾下，了解下。唔好意思我真係唔可以接受你訪問，不如你問番佢本人。」 |  |
 說時遲那時快鄭生架車就到 |  陳凱琳本來行返入去避上鏡，最後都係落落大方出來，上男友架車。 |  |
 |
|
鍾意就快D Share啦！
|
|
|