網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月30日 星期五

【開市閒情】爆港媽搲免費攝影 攝影師收「午夜凶鈴」



相信「宏利500蚊太空片」事件仲記憶猶新,但正所謂,人類總要犯同一錯誤。最近有一位港媽,幫一個媽媽Group籌備一個有45個家庭參與嘅「1歲BB生日派對」,佢向多名攝影師發出訊息,話想攝影師做大會攝影,前提係,一蚊都唔會俾!

即係咁,由於事件入面位港媽紅咗,俾網民人肉起底。至於其中一位涉事攝影師Deric Wong就同千頌C講,話事件發生後,噚晚凌晨1點幾,收到一個無來電顯示嘅電話,一聽之後,就有把女聲同佢講咗句:「賤人!」就Cut咗線。

睇返啲對話,港媽唔單只覺得唔俾錢冇問題,仲話呢45個家庭會幫手喺FB Share,個廣告效力龐大到引爆無限商機,仲話攝影師唔接呢單Free Job,係唔識做生意,唔應該一開始就講錢。

攝影師就話,其實45個家庭,每個家庭俾100蚊,都已夠請攝影師。港媽就話今次活動場地成本貴,所以冇Budget俾。到底參與一個Party要幾錢呢?

話說港媽講個Party日子,即10月25日。同日網上又真係有個「1歲BB生日派對」報名詳情,係由FB一個港媽群組發起。Party喺深水埗海壇街搞,成人每位收190蚊,小朋友50蚊。

以呢個Party為例,呢個場應該唔算係太貴嘅場,參與得個Party,如果真係對相片有要求,一個家庭俾多100蚊,比例都唔算太多。(活動資料連結:http://bit.ly/1jVUHAi)假如事件中嘅港媽,係去比呢個Party更貴嘅場,咁搵個攝影師成本比例就更低。

喺FB Marketing大行其道嘅年代,人人都覺得自己係一個良好嘅廣告平台。好多人就抱住呢個心態,「你幫我做野,我俾平台你登,你應該多謝我都嚟唔切啦,仲要我俾錢你,發夢啦你。」唔知幾時會發展到,老闆同打工仔講,「你幫我做嘢,你有機會可以發揮所長,唔使出糧啦。」

by千頌C@堆填區

http://fb.com/winbigwok

掌握財經生活資訊,即Like「蘋果ATM」fb專頁

http://fb.com/appledailyatm

圖為攝影師Marcobilly Chong與該港媽之對話。
圖右為攝影師Deric Wong與該港媽之對話,佢事後收匿名電話鬧佢賤人!
鍾意就快D Share啦!