網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月24日 星期六

《我的少女時代》票房收過千萬 爬唔爬到《那些年》頭? 少女時代,



最近喺香港上映嘅電影《我的少女時代》成功同《那些年,我們一起追的女孩》一樣勾起唔少人讀書時嘅回憶。此片喺台灣就已經勁收4億台幣票房(約1億港元)。而喺香港單日就已經錄得95萬成為單日票房冠軍。由開畫開始短短6日就已經有超過1000萬票房。連《那些年》嘅老闆都要打電話俾劉德華叫佢唔好爬《那些年》頭。



女主角宋芸樺(Vivian)仲憑此片入圍本屆金馬獎,成為影后候選人之,同舒淇、張艾嘉、林嘉欣、趙濤角逐影后之位。套電影咁收得,有份投資嘅劉德華當然功不可沒佢為咗令呢套戲嘅票房超越《那些年》,親身出席首映會,著埋校服同王大陸合唱《忘情水》嚟谷票房。而男主角王大陸亦好落力,為咗谷票房而犧牲色相, 為兌現承諾慶祝台灣票房超3億, 喺記者面前「裸泳」。



故事主要講述個平凡少女林真心,迷戀一個完美校草歐陽非凡,點知後來發現佢真正鍾意嘅係流氓學生徐大宇。呢套電影咁受歡迎最主要係因為同《那些年》一樣都勾起咗好多人學生時代嘅回憶,有網民就話反訓導果part睇到好激動 ,因為以前都做過類似嘅事。電影中除咗愛情線,仲有兄弟情,好多網民都話睇到眼濕濕。電影另一個驚喜就係搵咗當年嘅男神言承旭客串,佢一出場就引起觀眾嘩然。亦有好多網民都讚個結局,話連男人老狗都感動到喊出嚟。整套電影有劇情、有笑位、亦有感動位,令好多網民都指呢套電影好睇過《那些年》好多喎。

咁究竟最終票房可唔可以超過《那些年》? 大家就拭目以待喇!

鍾意就快D Share啦!