上週四（ 29日） Yoyo自殺後復工，已經接受現實嘅佢無奈話：「今次不幸地生存，咁我就要面對所有人。」
真面目
救得番 賤 agent兜售裸照 自殺 YoYo：今次不幸地生存
上月 18日，曾在《喜愛夜蒲 2》、《鴨王》等電影有性感演出的七線𡃁模伍淑怡（ Yoyo），因心急接 job而自拍裸照，即被人放上網兜售，一時睇唔開，先用刀連𠝹手腕 7刀，再換上紅裙準備跳樓，幸好家人突然來電才救回一命！
原來 Yoyo自小已因家庭問題而導致有自虐傾向，「覺得係舒緩壓力嘅一種，每一條痕就係成長印記，可能我有啲變態！」
上週四（ 29日） Yoyo為一烈酒品牌活動做主持，自殺後首次復工已識得講笑，「心情好番好多，起碼夠膽除口罩，同埋望住鏡頭。我知道我不幸地生存，咁我就要面對所有人。」
拉小提琴=𠝹手
入行十年，今年 27歲的 Yoyo曾為《喜愛夜蒲 2》、《鴨王》等電影客串，亦與仙樂都等組成跳唱組合 Honey Pie，不過 Yoyo以接大陸登台騷為主。上月 18日突然在九龍灣家中割脈自殺，幸得後父來電先救回一命。「其實已經換咗條紅裙，跨咗半隻腳出露台準備跳，不過突然有親人打長途電話嚟，至打消咗個念頭。」
「中學開始已經有自虐傾向，每個人都有唔同舒緩壓力方法，但係我選擇咗拉小提琴（𠝹手）。好細個父母已經離咗婚，後嚟我親生爸爸又走埋，醫生話佢係病死，不過我媽咪話佢係俾人整死。我一直都搵唔到真正原因，可能因為咁會變咗反叛，同埋想傷害自己。每一條痕就係成長印記，我都覺得自己有啲變態。」
為 job自拍
Yoyo因為私下接性商品代言廣告而中伏，「 Agent話個客係揀中咗我，不過一直約唔到期度身，結果佢叫我自拍 3條片，分別係背脊、正面同埋自轉 send俾佢，點知個幾月後就有人同我講，我條片喺網上俾人賣緊。」據知今次代言酬勞有六位數字，難怪會心急中招！
事件發生後， Yoyo亦知道有私影模中過招，甚至曾在網上流傳。「想入行或者已經入咗行嘅朋友，每一個 job都要 check清楚、問清楚。另外如果有個經理人話要簽你，但係要同你上床就千祈唔好相信喇。」大家咪咁天真
乜都撈過
大難不死
其實好多藝人都會因一時睇唔開而自殺，最深刻嘅張國榮、翁美玲一定走唔甩。當然亦有自殺好彩救番嘅例子，例如韓馬利和卓韻芝自殺過後都表示好後悔㗎！
藍潔瑛
多年前，藍潔瑛接受朱慧珊訪問時，就透露後生時，因為俾男人呃而自殺。至 13年一段偷拍訪問中，藍潔瑛不單在鏡頭前展示左手的𠝹痕，亦親口承認：「我自己𠝹嘅，當時新年男朋友無理我，唔知佢去咗邊，結果我就自殺囉！」
採訪、撰文：蘇詠詩
攝影：周凱瑩
|
鍾意就快D Share啦！
|
|
|