劉坤銘父親劉思仁昨晚設靈，今日出殯，不過劉坤銘前妻羅霖並無出席喪禮。今午羅霖身穿背心短裙，喺尖沙嘴出席香港珠寶小姐競選記者會，佢戴住大會嘅鑽飾登場。羅霖透露喺泰國拍戲兩星期，終於完成工作。
惟今早羅霖前老爺劉思仁出殯，有傳前夫劉坤銘禁止羅霖出席喪禮，羅霖話：「今年係好多挑戰嘅一年，前老爺之外，仲有我外婆、姑婆相繼過身，感情衝擊好大。對老人家要好，生前愛錫，死後只係一個儀式，永遠將老人家放喺心中。」
羅霖直認被拒絕出席喪禮，但自己有送上花圈，佢話：「係，我冇被邀請，我再有透過個仔講，但我都仍被（劉坤銘）拒絕咗。阿仔同我講『爸爸話唔好』，但我其實好想見。」
至於會唔會覺得前夫絕情，羅霖話：「老爺對3個仔最好，噚日細仔拖住我手，喊住話見阿爺最後一面，我聽到都喊，諗起好多以前點滴。」講到呢度佢都眼濕濕。
被問到要打扮靚靚出席活動，但心情卻好慯心，會唔會覺得好矛盾？佢話：「都會0架，有3個人過身，但作為演員，感情要收埋一面，將最好一面見人。」
| (攝影：沈健程) |  羅霖直認被拒絕出席喪禮，但自己有送上花圈。 |  有傳前夫劉坤銘禁止羅霖出席喪禮。 |
 |
|
鍾意就快D Share啦！
|
|
|