李嘉欣於1988年以18歲妙齡當選香港小姐冠軍，其後入娛圈發展20多年，08年嫁畀許晉亨，生咗仔仔Jayden(許建彤)，李嘉欣早前錄內地節目《魯豫有約─女神季》第二期做嘉賓，直言男人需要有成功事業。
現年45歲嘅李嘉欣7年前嫁畀許晉亨，育4歲大嘅仔仔Jayden，李嘉欣喺節目中，坦言物質對佢而言係重要，仲表示鍾意嘅男性「有點大男人」，佢認為：「需要事業成功，然後可以駕馭整個家庭，我覺得這個對我很重要。」難怪李嘉欣情史中傳緋聞嘅男伴，大多非富則貴!
李嘉欣又喺節目中，表示物質好重要，佢坦認：「他(男性)的魅力也在於他可以承受很多東西，那這樣我會更愛他。」不過李嘉欣亦解釋：「這(物質)不是一個條件，但是我會著迷多一點。」
對於外界總以「豪門深似海」形容佢嘅生活，李嘉欣透露生活並唔係外界嘅想像咁，佢提到因為家族人員少，所以許家甚少講別人嘅事，李嘉欣喺訪談中，亦大讚老公許晉亨予好多自由畀自己，又唔干涉自己想做嘅事，對自己過往嘅戀情，許晉亨亦隻字不提，李嘉欣認為呢份體貼，令自己好感動。
問及老公被稱為「豪」門，李嘉欣笑指：「豪在於他們家有名很多。」據知李嘉欣第一個男朋友係倪震，當年因為無法接受女友以學生身分參選港姐，之後成為公眾人物，戀情告吹；李嘉欣於1992年拍劇同黎明曾傳相戀，二人交往四年，戀情最後無疾而終，而最為人知就係劉鑾雄，盛傳李嘉欣當選港姐後，劉鑾雄向佢展開追求，唔止買鮮花、百萬名車及跑馬地別墅，更於報刊曾登廣告向李嘉欣示愛。
|
鍾意就快D Share啦！
|
|
|