吳佩慈今午香港剖腹 為富商男友產子 :),吳佩慈,

37歲嘅吳佩慈，去年2月為百億富商未婚夫紀曉波誕下女兒「小蕊蕊」，今年5月宣佈懷第2胎，預產期在本月底，仲係陀仔添！

今早有消息指，吳佩慈友人爆料謂佢今日在港剖腹產子，據台灣《蘋果》最新消息指，吳佩慈於今午二時在港開刀產子，兒子名為Hans（漢斯），重約6.9磅。剛生完第二胎嘅吳佩慈，已推回產房休息。據知吳佩慈原先透露預產期為本月底，但有高人指今日係好日，擇埋吉時，順利誕下男嬰。吳佩慈透露囝囝個樣有啲似家姐小蕊蕊，紅卜卜好可愛。

有指吳佩慈自從同未婚夫富商紀曉波生咗囡囡後，一直再想追多個仔縛實對方。之前也有傳男方為人風流，異性緣極旺，吳懷第一胎時，在港安胎，而紀曉波公私兩忙，鮮有陪伴，女兒出生後兩人亦辦妥結婚手續。如今吳佩慈為紀家誕下男丁，何時舉行婚禮仍未知，不過近日紀曉波疑捲入錢債問題，更於IFC被貼街招追數，亦有指紀曉波司機需協助調查。及後吳佩慈澄清司機係協助警方調查紀曉波被貼大字報事件:「是之前司機發現貼大字報的人去警局報案，根本與商業經濟沒有關係。」

吳佩慈去年2月為百億富商未婚夫紀曉波誕下女兒「小蕊蕊」。（資料圖片）

早幾日吳佩慈一行五人帶埋囡囡小蕊蕊行ifc。(DV圖片)

親力親為湊女嘅吳佩慈年初被影到帶住囡囡喺老銅行誠品。(資料圖片)

鍾意就快D Share啦！

下一篇 》