成功作出多次撲救，港中大戰葉鴻輝再次成為港隊英雄。《蘋果日報》圖片
全知言
港隊鋼門葉鴻輝係小朋友偶像
上星期二(17日)場港中大戰睇到全港市民血脈沸騰，識唔識波都識得嗌「 We are Hong Kong」，好鬼熱血！要數 Man of the match，全知言就話係全場左飛右撲嘅港隊鋼門葉鴻輝喇！唔好理中國隊嗰球入咗白界未，起碼英雄輝都冇放棄，搏到盡撈番個波出嚟！
再次成為香港英雄，葉鴻輝踢完場波第二日(18日)，立即為各大傳媒做訪問。當日英雄輝笑容滿面，仲幫街坊同學生哥逐一合照簽名。去到邊簽到邊，可惜英雄輝只有球星嘅知名度，冇球星嘅待遇！ C朗就話去到邊都有保鑣司機，葉鴻輝踢完波做完訪問就要自己打的返青衣屋企。不過英雄輝有身材有技術，要飛黃騰達不是夢，努力呀！
|
鍾意就快D Share啦！
|
|
|
