掃呢頁CODE去手機

2015年11月25日 星期三

小方有外遇  Stephy預演人妻鬧到喊 [FACE - 444] Stephy,方力申,小方,MF,鄧麗欣

從九餅到單飛, Stephy演技明顯有進步,單睇呢場爆喊戲就知掂啦!#眼都紅埋 #鬧交好激動 貼圖區 小方有外遇  Stephy預演人妻鬧到喊 延續葉念琛、方力申同鄧麗欣鐵三角組合,三人再度合作新戲《紀念日》,今次劇情昇華到玩夫妻 ...


從九餅到單飛, Stephy演技明顯有進步,單睇呢場爆喊戲就知掂#眼都紅埋 #鬧交好激動 貼圖區 小方有外遇  Stephy預演人妻鬧到喊 延續葉念琛、方力申同鄧麗欣鐵三角組合,三人再度合作新戲《紀念日》,今次劇情昇華到玩夫妻 ...


從九餅到單飛, Stephy演技明顯有進步,單睇呢場爆喊戲就知掂

#眼都紅埋 #鬧交好激動

貼圖區

小方有外遇  Stephy預演人妻鬧到喊

延續葉念琛、方力申同鄧麗欣鐵三角組合,三人再度合作新戲《紀念日》,今次劇情昇華到玩夫妻婚姻題材,同樣由小方同 Stpehy擔正,二人戲中仲會預演婚姻生治,螢幕前後繼續 sweet!

貫徹葉導作風,主角各自偷情戲份唔少得,而小方同 Stephy戲中當然同樣有外遇,搞到感情變淡,仲因為婚後的芝麻綠豆事而嗌大交!其中一場嗌交戲中,因為對白到肉入戲, Stephy最後仲喊到面容扭曲勁投入!現實中同小方將來結婚嘅話,千祈唔好咁呀!

小方同 Stephy呢場嗌交戲,二人事後大讚對白到肉幫助入戲,令到佢哋好似真係置身現實環境喎!平時鬧交唔知有冇咁激呢?

孭住 Stephy行樓梯呢啲甜蜜動作,相信小方平時做唔少

戲中盛朗熙因工作認識小方,之後就透過玩魔術開始發生曖昧,不過戲中只交代兩人感情點到即止,冇激情位睇喎!

#玩魔術呃 like

小方重遇舊情人蔡潔,雖然雙方各自結咗婚,不過小方同 Stephy感情變淡,逢場作戲都唔係新鮮事。

#婚外情

恭碩良婚禮臨門撻 Q,仲由 Stephy客仔轉變成追求者關係,兩個人朝夕相見,小方見到唔嬲就假。

#恭碩良做小三

童星出身嘅唐寧有演技唔使懷疑,攬住好姊妹 Stephy爆喊呢幕,喊到人心都「噏」埋!呢啲咪叫演技派囉!

51歲邵仲衡同 49歲李麗珍飾演夫妻關係,戲中雖然雙方冇註冊,不過表現好恩愛, happy過 Stephy同小方好多喎!一紙婚事重唔重要呢?

#大佬孝珍妹重逢

葉念琛食住新戲《紀念日》個勢,除咗搞咗個十週年回顧展,揀咗七套電影回帶播放外,仲出埋自家設計嘅時裝服飾,咁多搞作,大家 buy唔 buy先?

#葉念琛 #睇唔睇

採訪、撰文:娛樂組

鍾意就快D Share啦!