同人玩 Free Hugs愛心抱抱，你唔好諗歪呀！
爆壹爆
平安夜靚女防失身
上星期平安夜，爆哥唔想飲酒，所以去咗尖東海旁睇燈飾兼等倒數。當然，仲有幾個靚女一齊去啦，如果唔係會好 dry。
其中兩名分別叫 Yumiko同 Georgina、二十出頭嘅靚女朋友，估唔到佢哋外表斯文，內裡 open，一去到海旁，即刻同人玩 Free Hugs（同唔識嘅人愛心抱抱）。平安夜咁樣同人攬埋一嚿，驚唔驚攬到失身先？佢哋就話：「我哋玩 Free Hugs，只係想分享溫暖同祝福人，冇諗過同人交換電話或者有下一步行動。不過都聽過有朋友平安夜出去蒲，喺 K房飲大咗，結果平安夜變失身夜，所以今晚就算玩得幾開心，自己都唔會隨便飲酒。」兩人仲話，女仔要好好保護自己，就算係聖誕佳節，都唔好將自己嘅「第一次」胡亂俾人。佢哋仲奉勸各位女仔，唔好俾節日氣氛沖昏頭腦，搞到「做錯事」。
而另一個靚女 Flora就話，平安夜出來慶祝都係想享受節日氣氛，玩得開心，如果蝕底俾人就變成悲劇啦，所以佢如果去夜場，會打醒十二分精神，睇實自己隻酒杯，以免俾淫蟲有機會落藥。呢幾個靚女可能跟得爆哥多，個個都咁醒目。好，俾叔叔 Free Hug先。
聖誕老人上鳳樓
有唔滾唔知身體好嘅人同爆哥講，上星期聖誕假期，諗住去尖沙咀鳳樓地標香檳大廈，打算搵個姐姐仔普天同慶，過番個火辣聖誕，點知嚇到差些縮陽。唔係差人掃黃，只係當佢上到其中一層嘅樓梯口，竟然見到一個聖誕老人。望真啲，雖然只係公仔，但有成六呎高，唔少嫖客都嚇咗一跳。
個聖誕老人捧住一大盒安全套，而旁邊嘅聖誕樹，亦掛滿安全套。原來，又係慈善組織關懷愛滋旗下嘅有種部隊搞「兼覓」，呼籲一班慾海飢民，唔好因為過節得意忘形唔記得用套，為己為人，一定要戴套上陣，真係用心良苦。滾友仲話，班嫖客見到個聖誕老人，個個反應都唔同，有嫖客話竟然有人咁關心佢哋，應該覺得感恩，有人又話難得連聖誕老人都幫手打氣，入閘後一定更加落力，又有人話見到個聖誕老人咁樣衰，即時無晒慾火，慳番幾嚿水。
淫賤群組「些牙」 床上艷照
早前爆哥踢爆一個變態港男 Roger，竟然衰到偷偷直播老婆沖涼俾其他男人睇，其實件事未完，仲有下文。因為 Roger以為爆哥係同道中人，將爆哥加到一個微信群組。呢個群組，真係極度淫賤。
呢個微信群組個名叫「正淫君子俱樂部」，聽個名都知唔正經。群組大約有三十幾人，當中大部分係男人，只有四個女人。呢班人雖然好多都已婚，但全部都係性飢渴一族，除了講自己偷食嘅經歷，仲經常偷拍性伴侶或老婆嘅床上裸照，又或性愛片段，再放上群組同會員一齊分享，而幾個女組員亦作風豪放，經常上載自己嘅性感照，俾班男會員欣賞。
而呢個群組其中幾名活躍會員，分別叫 Gary Lai、 Big Big Man、阿豹、啤梨同小毛。呢班男會員真係衰到無人有，偷拍人裸照擺上群組已經賤格，竟然仲將性伴侶嘅個人聯絡資料擺上群組，叫其他會員聯絡事主，睇吓會唔會有着數，玩完仲要唱，真係好鬼賤。
爆哥乜料
金融界撈家，穿梭黑白政商界，朋友遍布旺角至中環，每星期都八到
唔同料，同《壹》仔讀者過吓癮！
|
鍾意就快D Share啦！
|
|
|
