袁詠儀張智霖有約 [壹週刊 - 1347] __,張智霖,袁詠儀,M1,

同你吟一吟袁詠儀張智霖有約拍拖結婚生仔，一齊二十幾年，自稱依然好enjoy同老公約會嘅袁詠儀，上個禮拜一（十二月二十一日）約埋張智霖一齊帶個仔去嘉年華會玩，同行仲有魔童表哥。閒日返工時間，現場人流唔多，兩個小朋友旋轉韆鞦、碰碰車、氣墊滑梯逐樣玩，阿靚就揸住手機影相，至於Chilam除咗幫手住兩個細嘅，仲要分心做model，俾人集郵！玩咗唔夠一個鐘，撤退！因為阿靚早幾日已經同個仔嚟玩咗三粒鐘，夠晒 ...

同你吟一吟

袁詠儀張智霖有約

拍拖結婚生仔，一齊二十幾年，自稱依然好 enjoy同老公約會嘅袁詠儀，上個禮拜一（十二月二十一日）約埋張智霖一齊帶個仔去嘉年華會玩，同行仲有魔童表哥。

閒日返工時間，現場人流唔多，兩個小朋友旋轉韆鞦、碰碰車、氣墊滑梯逐樣玩，阿靚就揸住手機影相，至於 Chilam除咗幫手住兩個細嘅，仲要分心做 model，俾人集郵！

玩咗唔夠一個鐘，撤退！因為阿靚早幾日已經同個仔嚟玩咗三粒鐘，夠晒皮！

玩完氣墊滑梯，魔童跟表哥再去玩埋旋轉韆鞦。

阿靚全程做攝影師。

表哥仔扮大隻佬影相，魔童伸手摸胸，鬼馬

要睇住兩個小朋友， Cool魔仲要分身俾女粉集郵。

明星幫襯，主辦單位派專人招呼。

撰文：八珍

來源 source: http://hk.next.nextmedia.com

鍾意就快D Share啦！

下一篇 》