2015年12月4日 星期五

【件事已經過去...】失戀超蓮首現身 聞吳克羣即嬲豬:唔好再提 __,吳克羣,何超蓮,超蓮,

賭王千金何超蓮失戀,怒斬同吳克羣嘅4年情,身為閨蜜嘅鄧紫棋(G.E.M.)剛從英國返港,就好識做咁邀約對方兼親自下廚煮幾味安慰老友。今晚7點左右,G.E.M.同一位女性友人現身中環IFC嘅Citysuper,本身佢都喜歡煮嘢食,平時都會影下自己嘅作品放上網,今日佢就買咗大袋海鮮同新鮮蔬菜。臨上七人車前,多次被指同香港傳媒關係差嘅G.E.M.,對住記者笑臉迎人兼有問必答。問佢相約咩朋友返屋企?食了誠 ...




其他影片:>>






賭王千金何超蓮失戀,怒斬同吳克羣嘅4年情,身為閨蜜嘅鄧紫棋(G.E.M.)剛從英國返港,就好識做咁邀約對方兼親自下廚煮幾味安慰老友。

今晚7點左右,G.E.M.同一位女性友人現身中環IFC嘅Citysuper,本身佢都喜歡煮嘢食,平時都會影下自己嘅作品放上網,今日佢就買咗大袋海鮮同新鮮蔬菜。

臨上七人車前,多次被指同香港傳媒關係差嘅G.E.M.,對住記者笑臉迎人兼有問必答。問佢相約咩朋友返屋企?食了誠實豆沙包嘅G.E.M.自爆約咗剛失戀嘅超蓮:「我會整嘢俾佢食!」現場記者打蛇隨棍上問佢有冇料爆,佢即落閘但依舊保持笑容話:「我唔會出賣我嘅朋友!」

而超蓮夜晚竟然自己一個人去咗G.E.M.嘅屋企樓下等佢!夜晚7點半,超蓮架車泊咗喺荃灣韻濤居G.E.M.嘅寓所樓下,佢等緊G.E.M.架車到先會合一齊入閘上樓。

問到佢係咪同男友分手,超蓮話:「呢件事已經過去咗,Move On,唔好再提啦以後。」講時個樣有少少嬲爆爆,問佢係咪今晚有飯局,佢話:「係呀,同朋友食飯。」唔見李蘊嘅?佢話:「佢唔喺香港,仲有幾個朋友,不過你哋唔識。」

不過其實G.E.M.架車都只係遲超蓮少少到,咁超蓮都唔使等好耐,佢哋會合完一齊俾記者影完相就返屋企玩煮飯仔。

(採訪、攝影:朱志聰 羅德光 梁繼光) 親自買餸煮飯慰好姊妹,唔話得。
兩人等埋一齊先上樓
鍾意就快D Share啦!
Related Posts Plugin for WordPress, Blogger...