在街上看見垃圾桶，除了會想起劉江華，可有想過裡面的剩飯剩菜是一些人裹腹之物？
綜援難捱到月尾 垃圾桶搵食
61歲的董伯露宿兩年多。原本做清潔工的他十多年前患上抑鬱症，吃藥後容易疲倦，反應遲鈍，有時更會自言自語，無奈不能繼續工作。長期失業耗盡積蓄，董伯現時只靠每個月三千多元的綜援維生。
以天為被，以地為床，雖不用交租，但平均一天只有百多元可用，僅夠董伯應付三餐，多買一些日用品便會「使突咗」，幾乎每次都撐不到月尾，「我哋呢啲（露宿）嘅，零舍多麻煩嘢，個身有濕疹，買支藥膏，60幾蚊就無晒，平時衫褲鞋襪買啲，對拖鞋都要廿幾蚊一對。」
「糧尾」不夠錢用，垃圾桶便成為董伯「尋寶」的地方，「有啲麵包掉咗喺到，成份麥當勞就咁掉喺垃圾桶到。」他從沒想過，在香港也要在垃圾桶拾食物吃，「係好難堪，個陣時覺得邊有架，但當第一次，真係餓過頭，後來幾次係咁，習慣咗，都係咁樣執。（唔驚污糟？）肚餓起上黎就無乜嘢，唔驚得咁多。」比起吃骯髒的食物，旁人的目光令他更難受，「人哋望到你，試過就咁彈開，兜遠嚟行，個心梗係唔舒服。」
食物銀行派罐頭 「無地方煮邊有用」
董伯試過去食物銀行，但這類服務一般每半年才可以申請一次，每次為期約六至八星期，也不是幫到太多，「派罐頭、麵，煮麵我地邊有地方煮﹖總之要煮個啲我地都無用，而且我攞得多都無用啦，成日攞住周街行咩，擺係到又驚俾人攞咗。」以往也有義工派過飯票給他，但不是經常有，亦有機構及深水埗明哥等有心人派飯盒給有需要人士，董伯說這些服務也能幫補一下，但愈來愈多人拿飯盒，「難攞咗，試過成班走埋去搶，亂晒龍，俾人推到成個跌低埋喺地下，見到都驚。」
美食廣場成「搵食」熱點
靠剩食為生的，不只董伯一人。記者前後在深水埗及將軍澳的美食廣場採訪十天以上，幾乎每天也見到有人食「二手飯」（食客吃剩的食物）。一位79歲的獨居婆婆說，現時靠每個月千多元生果金過活，曾有義工告訴她有飯堂免費派飯，但她記不到地址，亦沒有人帶她去；月尾不夠錢用，便要去找餸頭餸尾吃，還會把剩飯打包回家做早餐。另一名約五十多歲的男士，從前做保安，幾年前開始失業，其聯名物業又因另一業主不同意而未能變賣，申請不到綜援，向親友求助又感不好意思，於是每天都來美食廣場「搵食」。
有人無飯食 有飯冇人食 食物援助未到位
當每日有3620噸的廚餘被運到堆填區（相等於300多輛雙層巴士的重量），為何仍有人需以垃圾桶及二手飯為生？社聯政策研究及倡議業務總監黃健偉表示，不少食肆均希望將食物捐出，但因衛生問題而卻步，「如果喺個捐贈或者運送嘅過程發生咩事，有人因為食咗啲捐贈嘅食物而出咗事，咁個責任係邊個呢，有好多捐食物嘅機構就會好卻步。」有需要人士如露宿者及低收入家庭，亦難以接收食物援助服務的資訊，令這些服務未能「到位」。
黃健偉指，政府正嘗試設立中央配置服務，為有需要人士配對食物援助服務。他建議政府在法律層面作出配合，釐清捐贈機構有關食物衛生的責任，從而鼓勵更多機構捐食物，社區亦應加強利用地區網絡，透過街坊將服務資訊傳開去，讓更多有需要人士可接觸服務。除了派發食物解決燃眉之急，黃健偉認為長遠而言，服務機構亦應深化服務，了解索取食物援助人士的多方面需要，助他們脫貧。
|
鍾意就快D Share啦！
|
|
|