2015年12月19日 星期六

【花生指數…】唔係啩?Mandy Lieu有第二胎? __,Mandy,劉碧麗,Mandy Lieu,

今早黑面黑衫黑褲黑袋嘅洗米華,同仔女三人行抵達機場,出發去日本旅行。一早plan好晒,諗住一家人共度聖誕新年,點知臨出發前爸爸洗米華突然拖實第三者MandyLieu,高調確認女方地位;正印Heidi陳慧玲心死,噚日正式宣佈離婚——唔理洗米華係咪箍煲都好。但有傳聞就話……Mandy,又有咗喎……所以佢先至突然咁高調返港,用幾粒鐘時間可由抵港、遊車河、接朋友去九龍城打邊爐,再等埋洗米華嚟到,然後世紀拖 ...


今早黑面黑衫黑褲黑袋嘅洗米華,同仔女三人行抵達機場,出發去日本旅行。一早plan好晒,諗住一家人共度聖誕新年,點知臨出發前爸爸洗米華突然拖實第三者Mandy Lieu,高調確認女方地位;正印Heidi陳慧玲心死,噚日正式宣佈離婚——唔理洗米華係咪箍煲都好。

但有傳聞就話……Mandy,又有咗喎……所以佢先至突然咁高調返港,用幾粒鐘時間可由抵港、遊車河、接朋友去九龍城打邊爐,再等埋洗米華嚟到,然後世紀拖手——前後五粒鐘搞掂。洗米華拖手手時,Mandy奇怪地一臉不快不情願,好似好無奈咁。

有周刊就Mandy再懷孕傳聞向洗米華求證,洗米華先生只係煩躁地連說兩次「唔知!」洗米華都唔知,咁仲有邊個知呢?

不過咁,上次Mandy「被爆」有孕,故事情節都係先神秘在港失蹤一排,然後突然出現,一個人拖住行李,到養和睇醫生。等候期間仲作嘔作悶…(新聞連結: http://bit.ly/1Pf0RHQ )情節同今次有少少似,又有少少唔似…Mandy,唔係,係Mandy公司對所有事回應都係得一個:「所有有關Mandy的私人事,公司不會回應,多謝關心。」

報道仲話,洗米嫂因為俾Mandy激親,又不時同洗米華為此事爭執,受了刺激,胸口不時極痛,要定期檢查。洗米華心中有愧,亦不時陪佢覆診。

唉…

資料圖片 Mandy呢頭返港,嗰頭洗米華又要飛。(採訪、攝影:陳辰、徐錦池、仇志德) 睇下Mandy被拖嗰陣幾唔開心?(採訪、攝影:羅德光、吳耀輝)

鍾意就快D Share啦!