網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月26日 星期二

創富:自小恨做「宅」男 拚命搵錢上車 __,

next1/1prenext1/1pre香港居住環境狹窄,部分人要屈在蝸居生活,何時才能逃出令人窒息的空間?21歲的姚子峯(Donald)一直想離開400呎蝸居,為求有私人空間,不惜搏盡搵錢,冀承造九成按揭上車。即使銀行未必批足九成按揭,其父母亦願扶他上車。Donald生於小康之家,與父母及姐姐同住在實用面積400呎的兩房單位,看似沒有問題,但21年來要與姐姐同房,缺乏私人空間,難免令他想早日買樓 ...


next 1/1 pre
next 1/1 pre

香港居住環境狹窄,部分人要屈在蝸居生活,何時才能逃出令人窒息的空間?21歲的姚子峯(Donald)一直想離開400呎蝸居,為求有私人空間,不惜搏盡搵錢,冀承造九成按揭上車。即使銀行未必批足九成按揭,其父母亦願扶他上車。

Donald生於小康之家,與父母及姐姐同住在實用面積400呎的兩房單位,看似沒有問題,但21年來要與姐姐同房,缺乏私人空間,難免令他想早日買樓。「由畢業出嚟做嘢開始,就一直想買樓,因為想有私人生活空間,所以兩年幾都好努力搵錢,為圓上車夢。」

夢想看似不切實際,但Donald的夢想非常實際。「一直想擁有個人物業,覺得買樓應該愈早做愈好,之後嘅資產點樣分配都會順暢啲。」為做「宅」男,Donald中學時已經開始打工,「中學時期兼職做過廚房、搬運、樓面侍應等,平均一個月賺5,000多元,扣除洗費每個月都儲近3,000元。」

中學畢業後,他決定投身物業代理,展開他的「搏盡」搵錢大計。「我唔甘心做政府工有穩定嘅收入,想搵多啲錢,所以做一份靠自己努力而搵多啲嘅工。因為物業代理係自己搵自己食,所以我會特別勤力。每日打電話搵客、接客必定會做,我亦係分行入面打電話最多嘅代理,每日最少打50個。見客可能人哋做10次,我就會做20次,做多少少,開單賺錢的機會就大少少。」

為搵錢,Donald曾放棄與母親慶祝母親節,「我之前帶過客人睇洋房,但無買到。之後同佢保持聯絡,兩個月後成功再約佢出嚟睇樓。嗰日係母親節,我帶齊唔同樓盤嘅資料上佢屋企介紹,最終客人被我誠意打動,同我出去睇樓,仲即日成交咗。」Donald屢敗屢戰的精神,令他一度成為公司的「最佳新人王」及「成交單數最多新人王」。短短兩年半的代理生涯,他平均月薪增至逾3萬,並月儲收入的三分二。

近期本港樓市開始調整,上車機會突然出現。Donald辛辛苦苦儲了逾40萬首期,決定買入粉嶺碧湖花園六座中層F室的單位,實用面積400方呎,成交價290萬元,實用呎價7,250元。當時,單位成交價較屋苑同類型低近一成,重返2014年8月的價錢,他可說是平執筍盤。

該單位屬兩房間隔,雖然景觀主要為樓景,而且客廳為鑽石型,惟價錢低於三球,一心上車的Donald決定搏盡買入。「見到樓價開始跌,一直留意有無上車盤。機緣巧合下見到碧湖兩房單位,售價、環境、間隔都合乎自己心意,上樓睇完就即日決定買。」他表示,雖然首期不太多,但計算後,若做足九成按揭是可以上車的。

不過由於他任職地產代理,收入不穩,恐怕銀行未能批足九成按揭。「而家仲喺審核階段,父母非常支持我上車,所以父親願意做我嘅擔保人,希望可以借足九成。不過如果真係批唔足,家人都願意借錢畀我買樓。」他直言,自己只有約40萬上車,支付29萬首期、律師費、佣金等,不足以承造八成按揭。

Donald深知自己處於水深火熱,面對樓價下跌風險、加息供樓壓力、向父母借錢等問題,但仍然堅持買樓,「樓價唔到我控制,自己有買樓嘅需要,儲到筆錢又見到心儀單位,所以就決定買。希望可以按到九成,供三十年,咁就可以輕鬆啲。買到樓之後,自己會更加努力搵錢,新的目標係年薪過200萬。」

90後Donald一心想承造九成按揭上車,但作為地產代理的他收入不穩,銀行未必批出九成按揭。利嘉閣按揭代理董事總經理黃詠欣表示,Donald借足九成按的機會微乎其微,或需要父母補貼才能置業。

她指,首次置業人士要有固定收入、供款佔入息比率少於45%才能承造九成按揭,由於Donald的收入浮動,即使有擔保人,銀行亦未必審批,最多只能造八成按揭。而且,銀行一般會把供款人的佣金收入打七折,即佣金10,000元,銀行實際計算為7,000元,這亦會影響Donald的入息水平。

她說,「若Donald借足八成,即自付58萬,借232萬元,供款期為三十年,以利息為2.15厘計,每月供款將為8,398元,銀行要求總收入為21,600元。我們估計Donald有10,000元底薪,佣金收入為20,000元,七折即14,000元,每月總入息為24,000元,符合供款佔入息嘅要求,只係未必能借足九成。」


來源 source: http://hk.on.cc
鍾意就快D Share啦!