繁忙兒童合唱團唱老母勁洗版 劉小華操TSA呻難
【《蘋果》專訪】毛記電視主辦的「第一屆十大勁曲金曲分獎禮」，前晚亮點是小朋友組成「繁忙兒童合唱團」，演唱多首二創歌曲，歌詞道盡港童心聲。合唱團主音、劉小華的表演令觀眾拍爛手掌，但他卻正身受香港TSA教育其害，昨日他在屯門接受《蘋果》訪問，就說：「啲功課難過平時啲。」
劉小華profile姓名：劉皓嵐（Leander）
綽號：劉小華
年齡：7歲
擅長：Funky Heroes成員跳街舞
曾參與作品：兒童模特兒大賽2014、《黃修平 x 陳柏宇網絡短片Escape》、電影《選老坐》、遵理BabyHeros廣告
■原名劉皓嵐的劉小華熱愛跳舞，昨日接受專訪時即露兩手。攝影：陳慧安
毛記分獎禮全晚高潮位，是一班豆釘組成的「繁忙兒童合唱團」，作品《Sir來了》、《測無驗》、《喇沙，真的愛你》、《完咗暑假》、《補充練習無間做》，笑中有淚的歌詞不單篤中全港怪獸家長死穴，亦道盡一班做補充練習、上興趣班多過食飯的港童。其中主音劉小華唱《無間做》：「明明我已晝夜無間想討好老母，夢想中的Summer為何還未到」風靡場內場外觀眾，一夜間在網上討論區狂洗版。
■劉小華和「繁忙兒童合唱團」合唱多首二創歌，道盡一班港童心聲。電視圖片
熱愛街舞參賽大家都好有興趣的這名chok爆劉小華，原名劉皓嵐，與父母一家三口住屯門，就讀同區一間小學二年級。前晚分獎禮的演出，不少人讚他小小年紀已有大將之風，其實劉小華曾經客串陳柏宇的MV，在杜汶澤監製的江湖片《選老坐》中更飾演其兒子，因此今年七歲的劉小華早有幕前演出經驗。另外，劉小華在看過電影《狂舞派》後，單為一個「型」字，本來怕醜的他從此瘋狂愛上跳街舞，學了約一年，去年6月參加「國際街舞挑戰賽—香港站」，鍊贏不少哥哥姐姐殺入八強。
昨日劉小華在母親陪同下，在屯門接受《蘋果》訪問，他說：「嗰晚唱歌之前，其實媽咪都有解釋啲歌詞畀我聽，我練咗一陣就識得背首歌出嚟。」平時可有操練TSA？他想想後說：「都有㗎，不過就喺學校做，唔使帶返屋企，覺得TSA啲功課難過平時啲功課，校長有解釋畀我聽點解要做TSA，但我唔係好明白。」
■劉小華在電影《選老坐》演杜汶澤兒子，深得演員們喜愛。互聯網圖片
■劉小華去年扮Captain Cool參加小模特兒選拔。互聯網圖片
宣洩教育不滿對於兒子的演出，劉母說：「今次皓嵐表演，唔想帶畀其他人一個錯誤訊息，以為我想個仔做童星，其實我哋係基層家庭，我只想借呢件事，話畀人知呢班將來嘅棟樑、社會主人𠵱家喺讀書承受緊好大壓力，點解啲高官嘅仔女可以去外國讀書，而我哋就要留喺度接受香港呢啲咁大壓力嘅教育制度，希望香港政府可以引入外國教育方式，令基層都可以受惠。」
採訪：馬建華
攝影：陳慧安
|
鍾意就快D Share啦！
|
|
|
