升空失敗 講足 2年 宇宙 G.E.M衝上太空撻 Q [FACE - 457] G.E.M,MF,

14年開記招做寰宇太空形象大使，兩年後都仲未飛到上太空，宇宙G.E.M.個朵當年都係咁嚟！《蘋果日報》圖片真面目升空失敗　講足2年　宇宙G.E.M衝上太空撻Q由港女G.E.M.變強國G.E.M.，又由強國G.E.M.突然衝上太空變宇宙G.E.M.，唔通叫得宇宙G.E.M.就真係連外星人都鍾意聽巨肺嗌歌咩？之唔係兩年前G.E.M.高調宣布受寰宇太空邀請，成為該公司旗下太空旅遊首批12名乘客之一囉！不 ...

14年開記招做寰宇太空形象大使，兩年後都仲未飛到上太空，宇宙 G.E.M.個朵當年都係咁嚟！《蘋果日報》圖片

真面目

升空失敗　講足 2年　宇宙 G.E.M衝上太空撻 Q

由港女 G.E.M.變強國 G.E.M.，又由強國 G.E.M.突然衝上太空變宇宙 G.E.M.，唔通叫得宇宙 G.E.M.就真係連外星人都鍾意聽巨肺嗌歌咩？之唔係兩年前 G.E.M.高調宣布受寰宇太空邀請，成為該公司旗下太空旅遊首批 12名乘客之一囉！

不過吹得咁大始終要還，眨下眼受完訓就快兩年都未有得上太空，又唔怪得網民摷返出嚟講：「說好的宇宙 G.E.M.呢？」

北上參加完《我是歌手》， G.E.M.何只一夜暴紅強國，直情俾人推到上太空，被鞋王富二代鄧偉賢睇中，做旗下寰宇太空亞洲形象大使，宣傳 78萬一人一轉每轉 45分鐘太空之旅。首輪試飛名單得 12個， G.E.M.同經理人張丹、音樂監製 Lupo就霸咗三個名額， 14年十月又大張旗鼓飛去荷蘭受訓三日。不過訓又訓完、彩又攞咗，轉個頭三個月又三個月，兩年都嚟緊，仲未上得太空，唔通撻 Q？

14年九月， G.E.M.帶埋經理人張丹、監製 Lupo齊齊去荷蘭受訓，又升空又無重全副武裝，原來當時人 ready、架太空船未 ready。（網上圖片）

G.E.M.公司負責人話架船仲試飛緊，技術上嘅嘢控制唔到。（網上圖片）

紅到上太空嘅同時， G.E.M.的香港公關災難亦災難到一個點， 14年尾香港個唱記招訪問安排就得罪香港大半娛記。

Delay到 17年

原來原訂 15年首航嘅太空船仲係因為技術問題試飛再試飛中，寰宇亞洲總裁鄧偉賢亦承認起碼延遲到 17年：「上年行家的太空船試飛時墜毀，所以我哋都緊張，希望反覆做多一點測試，寧願被人話遲了起飛，總好過有意外發生。」

《 FACE》致電 G.E.M.唱片公司，負責工作人員亦都話唔到佢哋控制：「寰宇太空嗰邊都有 keep住出 report話俾我哋知道進度，但係呢啲技術問題實在唔係我哋控制得到，呢間唔同維珍，唔係成架機，每次都係機師同一個遊客上太空，我哋淨係知仲係試飛緊，梗係安全啲好！急唔嚟！」

得罪娛記後果，之唔係連新碟《新的心跳》返香港開簽名會咁大件事，都係冇乜幾間港媒有提過囉！

世界巡迴演唱會雖然落幕，不過 G.E.M.強國人氣繼續高企，農曆年受邀去老家上海參家東方衞視春晚唱〈喜歡你〉。（網上圖片）

上太空要帶張丹同 Lupo，睇麥當娜又係張丹同 Lupo，不過上週 G.E.M.個豹紋睇騷 look就俾人笑話似家燕姐。（網上圖片）

受訓上太空要呃 like是常識吧，不過當時 G.E.M.套制服有五星旗，搞到本土網民極反感，負皮如潮。（網上圖片）

國際到一個點

雖然太空仲未有得上，不過 G.E.M.走向國際化就真係叻過好多同輩甚至前輩歌手。

名人

繼何家千金，新朋友係 Paris姊妹，去完紐約時裝週，自稱可以同兩姊妹傾足三日三夜。（網上圖片）

上榜

福布斯囉，就算係 30以下最具潛力音樂人，都講緊全球上榜唯一華人囉！（網上圖片）

強國版

雖然好多人唔同意，但的而且確， G.E.M.被 i-D稱為中國 Taylor Swift。（網上圖片）

採訪、撰文：娛樂組

來源 source: http://hk.face.nextmedia.com

鍾意就快D Share啦！

下一篇 》