熱爆娛樂: 岑麗香王君馨急飛溫哥華做姊妹　 31歲鍾嘉欣趕嫁圈外男友 [FACE

2016年2月24日星期三

岑麗香王君馨急飛溫哥華做姊妹　 31歲鍾嘉欣趕嫁圈外男友 [FACE - 457] 嘉欣,王君馨,君馨,李嘉欣,岑麗香,MF,鍾嘉欣

13年嘉欣出過本以《幸福》為書名嘅相集，當中佢着住婚紗喺教堂影相做主題，恨嫁恨到出埋書。（網上圖片）

封面

岑麗香王君馨急飛溫哥華做姊妹　 31歲鍾嘉欣趕嫁圈外男友

近年花旦逐個輪住嫁人生仔，好似陳茵媺、胡杏兒等都已有好老公錫，當大家以為下一個係胡定欣嘅時候，竟有傳去年才與伍允龍分手的鍾嘉欣搶先一步！

據知 4月年屆 32歲的嘉欣 BB，將於本月與圈外男友於溫哥華秘婚，更盛傳鍾嘉欣已大肚；而死黨兼好友岑麗香日前已飛往當地做姊妹陪嫁！恭喜晒喎嘉欣 BB！

華姐出身的鍾嘉欣，自 04年奪冠後，一直都被大台力捧，加上性格聽教聽話，甚得高層愛錫， 11年來在大台多次擔正女一，加上人緣極佳，負面新聞少之有少。

驚現巨籮

本月 14日，嘉欣肥腫身形現身拉斯維加斯登台，係咪有喜？自己判斷。（網上圖片）

刻意遮肚

與圈外男友第一年過情人節，男友陪實脹爆嘉欣飛往美國登台，不過嘉欣面上多咗份慈母 feel！（網上圖片）

2年前出相集時已經寫咗「我想結婚了」，估唔到咁快願望達成喎！

斯文男友同聲同氣

08年嘉欣被踢爆與武打奀星伍允龍拍拖，拍足 5年戀情至開始慢慢浮面，可惜戀情拖足 8年，男方仍未有結婚打算，去年初二人終決定和平分手。

浪費 8年青春，據知嘉欣因分手一事而令情緒低落，更多次向大台請假返老家溫哥華療傷，結果在當地經朋友介紹，認識同樣在溫哥華土生土長的華籍圈外男友。據知這位圈外男友屬文質彬彬型，初次與嘉欣見面已經一見鍾情，以試探口吻與嘉欣講將來，拍拖數月後已向嘉欣求婚，二人同樣在溫哥華長大份外同聲同氣，早就恨嫁的嘉欣難得搵到 Mr. Right，率性嘉欣亦不怕閃婚一口應承婚事，加上嘉欣父母亦對呢位準女婿讚口不絕，嘉欣決定返加國做猴年新娘。

姊妹陪嫁

嘉欣和李亞男份屬好友，今次搞婚禮，唔知嘉欣有冇向亞男取經呢？（網上圖片）

８年情玩完

07年開始和伍允龍拍拖，可惜至 15年卻因望唔到將來而分手， 8年情話散就散。

同屬「處女黨」嘅香香公主和王君馨，據知都會出席嘉欣喺加國舉行嘅婚禮。（網上圖片）

嘉欣上月已返過溫哥華，有父母照顧， keep住靚靚做新娘。

結婚未必公開

覓得愛郎，本月 14日，嘉欣現身半年前已接落的拉斯維加斯迷你個唱，當晚嘉欣身形又腫又脹，故盛傳身為基督教徒的她已未婚懷孕！

雖然懷孕傳聞未知是否屬實，但據知二人本打算今年內結婚，但忽然嘉欣和男友決定將婚事提早於本月舉行，由於二人同在溫哥華長大，所以未有刻意請外地朋友，不過死黨岑麗香上週已出發當地，而其他處女黨成員王君馨和李亞男等好姊妹亦已準備飛溫哥華出席婚禮。

本刊週一（ 22日）聯絡過嘉欣另一好友王君馨，可惜至截稿前仍未獲回覆。曾在訪問講過「我作風一向低調怕醜，結婚未必公開」的嘉欣，不如開心 share等大家祝福吓