地下情侶 暗撻大孖周志文 唐貝詩：拍拖唔會攞出嚟講 [FACE - 457] 唐貝詩,周志文,MF,

Lydia自知對跑步唔在行，所以做起每一個動作都落足精神，絕對唔係hea做㗎！真面目地下情侶　暗撻大孖周志文　唐貝詩：拍拖唔會攞出嚟講星二代排住隊入行，有樣有後台自然成為搶手貨，好似寇鴻萍大女Lydia唐貝詩，近年戒夜蒲積極洗底，又勤做運動改善身型，最終成功操出一副噴血「body」，拍吓拖其實亦好合情合理！據知唐貝詩暗撻同樣喜愛做運動嘅大孖周志文，有傳仲係女方出手力追㗎！對於新戀情，上週四（18日 ...

Lydia自知對跑步唔在行，所以做起每一個動作都落足精神，絕對唔係 hea做㗎！

真面目

地下情侶　暗撻大孖周志文　唐貝詩：拍拖唔會攞出嚟講

星二代排住隊入行，有樣有後台自然成為搶手貨，好似寇鴻萍大女 Lydia唐貝詩，近年戒夜蒲積極洗底，又勤做運動改善身型，最終成功操出一副噴血「 body」，拍吓拖其實亦好合情合理！

據知唐貝詩暗撻同樣喜愛做運動嘅大孖周志文，有傳仲係女方出手力追㗎！對於新戀情，上週四（ 18日）唐貝詩接受長跑訓練時回應就話：「如果拍拖都唔會特別攞感情出嚟講！」明嘅，保護愛苗最緊要嘛！

身為星二代， Lydia自然受關注，而夜蒲溝仔嘅戰績就令人卻步。為咗喺影壇可以大展拳腳， Lydia落足心機洗底，除咗戒晒夜蒲壞習慣，同時又努力運動操 fit，嚟緊 3月仲會參加長跑賽事挑戰自己添！

平時有玩開健身嘅 Lydia，跟住教練 Sam Sir做肌肉訓練動作都叫有板有眼，一副 fit爆身型仲好吸晴添！

《 FACE》問完唐貝詩緋聞後，佢即將「 I guess it's my turn to meet a special some one… Happy Valentine's Day」改為心心符號，好可疑喎！（網上圖片）

周志文同樣熱愛運動，唔使開工梗會約埋班波友開波，唔知 Lydia係咪因佢轉變呢？（網上圖片）

3月唐貝詩仲會參加 5K長跑賽事， Lydia話：「由細到大，跑步都係弱項，自己呢一、兩年先開始做運動，覺得好多嘢都克服咗，所以好想試下跑，挑戰下自己！」 Lydia仲話：「因為以前除咗工作，就係俾人影去夜蒲，𠵱家反而多咗好多唔同嘅嘢，好似運動咁，可以睇到唔同嘅我！唔會做太傷身嘅嘢囉！」

首次參加長跑賽事， Lydia直言有擔心應唔應付到，仲話估唔到跑街同跑步機上跑嘅感覺好唔同！

話就話同周志文唔係情侶關係，不過早前 Lydia就攞住寫住「 I Love You」嘅氫氣球，冧樣顯露無遺！（網上圖片）

早年仲係夜蒲常客嘅 Lydia，不時孖住好姊妹何超盈出動擸仔。《蘋果日報》圖片

猶豫 2秒甜

去年簽咗蕭定一公司， Lydia（紅圈）準備係影壇大展拳腳，早前完成首部電影《導火新聞線》拍攝，而戲中則飾演一位記者，事前仲做足功課，好勤力㗎！（網上圖片）

有傳最近 Lydia私底下暗撻大孖周志文，當中仲係女方出手力追，更被人目擊在餐廳撐枱腳， Lydia聽後猶豫咗 2秒，再笑晒回應：「假㗎！假㗎！朋友！普通朋友！真係唔知點解會傳啲咁嘅嘢出嚟？（之前話過恨拍拖喎！）都係嘅！就算真係拍拖，都唔會特別想將感情攞出嚟講囉！唔想再俾人覺得係一個好多花邊新聞嘅藝人！（地下情？）唔知呀！女仔係善變嘅！𠵱家唔敢講未來嘅嘢囉！（對佢印象？）經朋友認識，覺得佢幾好！ nice guy，唱歌又好聽，有才華！」讚到咁，周志文得米

喜愛夜蒲多仔溝

唐貝詩一身 fit爆身材有睇頭，緋聞方面都絕對唔嘢少，喜愛夜蒲生活，更不時孖住鐵腳何超盈夜場擸仔，緋聞男友更係水蛇春咁長㗎！

Lydia同毛玉萍兒子 Eric Yu拍過拖，每逢寇鴻萍有份投資酒吧有活動時， Eric Yu都會例牌現身捧場，兩人愛得痴纏，不時網上大晒親密照。(網上圖片)

Lydia同有翻版李準基之稱嘅 Eric傳過緋聞，當時二人不避嫌孖住夜蒲。《蘋果日報》圖片

09年， Lydia同王友良夜蒲到天光，之後二人更孖住閃人，關係曖昧。《蘋果日報》圖片

採訪、撰文：娛樂組

攝影：周倪瑩

來源 source: http://hk.face.nextmedia.com

鍾意就快D Share啦！

下一篇 》