一張「少女」爆頭相片引發軒然大波，年初二凌晨旺角騷亂後，網上瘋傳一名長髮、穿藍色有帽上衣的示威者俯伏地上、頭破血流的相片，一度流傳傷者是「手無寸鐵的少女」，在深切治療部留醫，之後更一度傳出相中人「爆腦」身亡。《蘋果》聯絡到傷者胞姊，她指弟弟因為留長髮，被誤會為「少女」，謠言更越傳越烈，「本身啲人話佢係少女都無乜所謂，但係發展到又話佢入咗ICU（深切治療部），又話佢死咗，我覺得有必要企出嚟澄清，唔好將事情煲到咁大。」她指不知弟弟前晚曾到旺角，昨早看到社交網絡瘋傳該照片，「雖然睇唔到佢個樣，但我一眼就認出係細佬。」早上10時左右她前往旺角警署嘗試找弟弟，獲告知弟弟在廣華醫院驗傷，「我去到啱啱叫佢個名，叫佢去分流站，我見到佢係清醒，行到去分流站，目測無骨折，好似流過鼻血，個頭已經無血跡。」
來源 source: http://hk.apple.nextmedia.com
|
鍾意就快D Share啦！
|
|
|