網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月10日 星期三

唔使賣肉嘅!星女郎邊位最經典? [FACE - 455] __,MF,

全知言唔使賣肉嘅!星女郎邊位最經典?過年翻睇周星馳電影係指定動作,就算去到朋友屋企拜年,電視開住星爺啲戲,氣氛都好啲。雖說戲中星爺緊要,但唔同嘅星女郎亦係重點,綺夢、阿梅、火雞姐等,個個有戲做兼深入民心……新年流流唔通睇班晶女郎賣肉咩?方力申:綺夢美人痣《賭聖》我認為同星爺最襯的星女郎就係綺夢,張敏小姐喇!因為最深刻梗係佢腋下嗰粒美人痣!(咁Stephy同星爺襯唔襯呀?)襯梗係櫬啦,但我同星爺都好 ...


全知言

唔使賣肉嘅!星女郎邊位最經典?

過年翻睇周星馳電影係指定動作,就算去到朋友屋企拜年,電視開住星爺啲戲,氣氛都好啲。雖說戲中星爺緊要,但唔同嘅星女郎亦係重點,綺夢、阿梅、火雞姐等,個個有戲做兼深入民心……新年流流唔通睇班晶女郎賣肉咩?

方力申:綺夢美人痣

《賭聖》

我認為同星爺最襯的星女郎就係綺夢,張敏小姐喇!因為最深刻梗係佢腋下嗰粒美人痣!(咁 Stephy同星爺襯唔襯呀?)襯梗係櫬啦,但我同星爺都好襯㗎,我扮女人都得㗎!應該揾我做㗎!

農夫:趙薇外星妝

我就覺得趙薇啦,因為趙薇化咗個外星人妝,而佢最犀利嘅地方,就係將個妝變咗做趙薇妝嘛,但我又鍾意佢剪光頭嘅造型,佢係喺星爺戲入面,唔以一個靚女形象見人,仲係成部戲都冇靚過,亦因為咁所以我哋最鍾意。

《少林足球》

陳瀅:荷里玉真女神

我會揀張曼玉,因為佢係我心目中嘅女神,咁女神梗係要襯番男神㗎啦。

《家有囍事》

Jeana:初戀栢芝

最合拍嘅演員應該係張栢芝,因為佢嘅演出同角色,係會令大家好開心,佢兩個好合拍囉,喜劇捉到個節奏係好難,栢芝都捉到個喜劇節奏,所以我覺得佢同星爺最合拍。

《喜劇之王》

何浩文:最愛紫霞仙子

同星爺最襯嘅係朱茵,因為我好受到《西遊記》影響,好記得愛你一萬年,我覺得朱茵同星爺係有個 connection喺中間,間接令我覺得佢哋現實世界都有 connection;本來覺得同袁詠儀,但 Chilam同我同公司,所以都係覺得朱茵襯啲。

《西遊記之仙履奇緣大結局》

王宗堯:君如最襯

咁多個女主角入面,我覺最襯係吳君如,因為兩個都咁搞笑啦,都獨當一面,佢拍住星爺就最靚,因為隔籬有如花。

《望夫成龍》

最愛火雞姐 街坊:好似傳過緋聞!

星爺電影絕對經得起時間考驗,就算𠵱家 90後都有睇星爺作品,幾乎一致認為係莫文蔚最襯,反而張雨綺、黃聖依啲比較新嘅冇人識,可能新作品真係冇咁經典。

Elmo

我覺得最襯嘅係莫文蔚,因為覺得佢哋襯囉,同埋好似傳過緋聞㗎嘛,係咪?

張小姐( 20歲)

我剩係記得莫文蔚咋,好似係《西遊記》,點解最襯?唔知喎!因為第一下諗起只有佢。

阿忠( 20歲)

我覺得都係莫文蔚啦,因為佢令周星馳除咗攪笑之外,原來仲可以做感情戲,以女星嚟講,佢都幾搞笑。

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!