掃呢頁CODE去手機

2016年2月24日 星期三

洗米華挨近合照 洗米嫂企硬搞離婚 __,洗米華,陳慧玲,洗米嫂,周焯華,

■前晚春茗合照時,洗米嫂明顯避開洗米華,中間留下一條鴻溝。互聯網圖片澳門賭業猛人周焯華(洗米華)因為搭上名模MandyLieu,搞到「洗米嫂」陳慧玲心死要離婚,雖然他一方面極力挽救家庭,另一方面又繼續與Mandy晒恩愛。有傳多次受到傷害的洗米嫂已把老公當成陌路人,昨日本報收到讀者報料指,前晚太陽城集團於澳門舉行春茗,洗米華夫妻關係破冰,笑笑口影合照。■洗米嫂以主人家身份出席,與旗下明星相處融洽。■ ...




其他影片:>>






澳門賭業猛人周焯華(洗米華)因為搭上名模Mandy Lieu,搞到「洗米嫂」陳慧玲心死要離婚,雖然他一方面極力挽救家庭,另一方面又繼續與Mandy晒恩愛。有傳多次受到傷害的洗米嫂已把老公當成陌路人,昨日本報收到讀者報料指,前晚太陽城集團於澳門舉行春茗,洗米華夫妻關係破冰,笑笑口影合照。

■洗米嫂以主人家身份出席,與旗下明星相處融洽。 ■正與洗米嫂搞離婚的洗米華,早前與Mandy在泰國游水度假。資料圖片 ■雖然與Why Wong(右二)同遊韓國,但洗米嫂否認他是追求者。

資料圖片

尷尬閃開避黐身

記者昨日曾向有份出席春茗的賓客了解,據在場人士爆料說:「噚晚洗米華先到現場,洗米嫂好遲先到,而且冇坐埋主家席,只係同柏豪、老爺、家人坐喺隔籬張枱,初時佢哋兩個人全程冇溝通,到中場港哥同港嫂(太陽城第二大股東)專登拉洗米華過枱同老婆影相,初時場面都有啲尷尬,因洗米華想挨埋老婆身邊影合照,佢老婆刻意咁傾向另一邊,後來港嫂夾硬叫其他人彈開,淨係佢兩公婆影合照,港嫂出到聲,佢哋都畀足面乖乖坐定定影相,之後洗米嫂即刻彈開去其他枱招呼朋友。」

與Why相識多年

本身亦是太陽城股東的洗米嫂,據悉前晚春茗是以主人家身份亮相,只不過今年跟老公鬧離婚,刻意選擇不與老公同枱而坐。不過身邊親友都不想好好的家庭就此破碎,都想充當調停人,希望兩人和好如初,黃柏高亦好識做拉着洗米嫂去主家席跟老公一起向在場賓客敬酒。

昨日記者致電洗米嫂,問她是否在春茗後與老公破冰?她表示:「破乜冰?我同佢繼續會搞離婚,呢樣唔會改變,不過唔做夫妻唔代表要做仇人,佢始終係我兩個女嘅爸爸,以後我會當佢係互相關心嘅家人,因為老爺同大姑奶佢哋都好錫我,同佢哋嘅感情喺離婚後都唔會有任何改變。」問到與她同遊韓國的俊男Why Wong是否新追求者,她笑說:「梗係唔係識咗好多年嘅朋友,老公都識佢。」

採訪:鍾國仁


鍾意就快D Share啦!