毛記分獎典禮上，腦細林日曦將一個最重重重重重重重重要嘅重任，交咗俾利君牙。冇錯，就係俞琤嗰part。林日曦話:「只要佢講錯一粒字...我諗我會立刻喺台上暈倒嘔血再轉身再嘔血。多得佢嘅淡定演出，我啲血冇機會上電視。」自稱係公司全職冗員嘅利君牙，就咁樣形容呢個腦細：「佢好cool，成日唔出聲，唔知諗乜，不過喺分獎禮嗰晚，佢見我跳舞嗰陣得短袖裙，問我仲乜着短袖，唔凍咩？轉頭就有人畀件褸我着！其實佢唔聲唔聲，有好多嘢佢係在心中。」咁，利君牙點睇另外兩個腦細……阿Bu同陳強？特別係阿Bu(姚家豪)？點解要強調阿Bu？Bos，有四分一印度血統、無論側面睇或說話聲調都有幾分似薛凱琪嘅利君牙，其實同阿Bu一直都sweet sweet緊，。是的，東方昇同Dickson，都唔使諗。噚晚7點，阿Bu同利君牙一齊現身銅鑼灣時代廣場附近，閒逛一家專賣女仔頭飾嘅商店。揀到喇，好自然阿Bu就俾錢，然後兩人拖手仔行去時代。時代人來人往，但阿Bu同利君牙就落落大方，上電梯時兩人已經好Sweet黐埋一齊，之後再去Zara，利君牙主攻外套，仲問阿Bu意見。期間阿Bu行開咗陣，利君牙發現唔見咗男友，搵搵搵，搵到喇，就扮嬲豬企喺男友面前，示意要阿Bu陪佢返過去女裝部揀褸。就係咁，兩人四目交投咗五六秒先至郁…咁當然係阿Bu陪利君牙過番去啦，仲好細心咁將件褸搭喺利君牙膊頭度size。又揀啱喇，到俾錢嗰陣，忽然好想錫，於是利君牙錫咗阿Bu一啖，阿Bu又錫番佢。利君牙忽然谷起個腮，超sweet咁，又將塊面豬哄咗埋去阿Bu個嘴度，阿Bu就好冧咁，連kiss利君牙漲卜卜嘅面珠仔五啖…嗚哇！買完喇，兩人真係太忘我喇，走嗰陣唔記得攞返擺咗喺儲物櫃嘅外套，要折返取回。期間利君牙好體貼咁同男友講:「好凍呀，你拉番拉鏈啦!」阿Bu話:「唔使啦!」利君牙再出盡牙力堅持:「你拉番拉鏈啦!」「唔使啦!」「你拉番啦!」最後當然阿Bu係拉番拉鏈嘅。之後兩人再拖手仔，坐巴士去海怡半島，全程拖手，再行入一大廈，利君牙去攞信，然後兩人一齊上樓喇。
| 採訪、攝影:梁繼光、黃曉程 |  大家好，佢係利君牙! |  先去買頭飾 |
 |  再拖手仔上時代 |  |
 利君牙真係超靚！ |  阿Bu好自然咁攬腰 |  發現男友行開咗，利君牙即刻搵番阿Bu，扮嬲豬，兩人對望五秒。 |
 敵不動我不動… |  仍然係Zara，準備俾錢一刻… |  利君牙主動錫錫 |
 谷起泡腮 |  阿Bu忍唔住連錫起碼5啖 |  |
 |  好羨慕呀！ |  |
 唔記得攞褸… |  返轉頭 |  利君牙係咁提男友拉番拉鏈唔好凍親。 |
 手拖手搭巴士入海怡半島 |
|
鍾意就快D Share啦！
|
|
|
